സിവിക് ചന്ദ്രന്റെ മുന്കൂര് ജാമ്യം ഹൈക്കോടതി സ്റ്റേ ചെയ്തു
കൊച്ചി: ലൈംഗീക പീഡന കേസില് സിവിക് ചന്ദ്രന് മുന്കൂര് ജാമ്യം അനുവദിച്ച നടപടി ഹൈക്കോടതി സ്റ്റേ ചെയ്തു. അതിജീവിതയുടെ അപ്പീല് പരിഗണിച്ചാണ് കോടതിയുടെ ഉത്തരവ്. കേസ് ഇനി പരിഗണിക്കുന്ന തിങ്കളാഴ്ച വരെ അറസ്റ്റ് പാടില്ലെന്നും ഹൈക്കോടതി ഉത്തരവിട്ടു.
സിവിക് ചന്ദ്രനെതിരേ രജിസ്റ്റര് ചെയ്ത രണ്ടാമത്തെ ലൈംഗിക പീഡന പരാതിയില് കോഴിക്കോട് സെക്ഷന്സ് കോടതിയാണ് സിവിക് ചന്ദ്രന് മുന്കൂര് ജാമ്യം അനുവദിച്ചത്. ഈ ഉത്തരവില് നിയമപരമായ പിഴവുകള് അതിജീവിത അപ്പീലില് ചൂണ്ടിക്കാട്ടിയിരുന്നു.
സെക്ഷന്സ് കോടതി ഉത്തരവിലെ പരാമര്ശങ്ങള് സ്ത്രീവിരുദ്ധമാണെന്നും സുപ്രീം കോടതിയുടെ നിര്ദേശങ്ങള്ക്ക് വിരുദ്ധമാണെന്നും അപ്പീലില് ചൂണ്ടിക്കാട്ടുന്നു. ഇതിന്റെ അടിസ്ഥാനത്തിലാണ് കോടതി മുന്കൂര് ജാമ്യത്തിന് ഇടക്കാല സ്റ്റേ നല്കിയത്.
Content Highlights: kerala high court stays anticipatory bail of civic chandran