സ്ത്രീകള്ക്ക് വേണ്ടി വിശ്രമരഹിതമായി പ്രവര്ത്തിച്ച നേതാവ്; ജോസഫൈനെ അനുസ്മരിച്ച് മുഖ്യമന്ത്രി
കണ്ണൂര്: അന്തരിച്ച മുതിര്ന്ന സിപിഎം നേതാവ് എംസി ജോസഫൈന് ആദരാഞ്ജലി അര്പ്പിച്ച് മുഖ്യമന്ത്രി പിണറായി വിജയന്. ജോസഫൈന്റെ ആകസ്മിക വിയോഗം കേരളത്തിലെ പുരോഗമന പ്രസ്ഥാനത്തിനും സ്ത്രീ മുന്നേറ്റങ്ങള്ക്കും കനത്ത നഷ്ടമാണെന്ന് മുഖ്യന്ത്രി അനുസ്മരിച്ചു. ഫെയ്സ്ബുക്ക് കുറിപ്പിലൂടെയാണ് മുഖ്യമന്ത്രിയുടെ പ്രതികരണം.
തൊഴിലാളികള്ക്കും സ്ത്രീകള്ക്കും ജനങ്ങള്ക്കാകെയും വേണ്ടി വിശ്രമരഹിതമായി പ്രവര്ത്തിച്ച നേതാവാണ് ജോസഫൈന്. ഇടപെട്ട മേഖലകളിലെല്ലാം വ്യക്തിമുദ്ര പതിപ്പിച്ച ജോസഫൈന് സ്ത്രീകളുടെയും തൊഴിലാളികളുടെയും അവകാശങ്ങള്ക്കു വേണ്ടി വിട്ടുവീഴ്ചയില്ലാത്ത നിലപാടുകളാണെടുത്തതെന്നും മുഖ്യമന്ത്രി അനുസ്മരിച്ചു.
Content Highlights: cm pinarayi vijayan pay tributes to mc josephine