'എല്ലാത്തിലും രാഷ്ട്രീയം കാണരുത്'; ഗവർണറെ ഉദ്ഘാടനത്തിന് ക്ഷണിച്ചതിൽ പ്രതികരിച്ച് ചാണ്ടി ഉമ്മൻ

തിരുവനന്തപുരം: ഉമ്മൻചാണ്ടിയുടെ പേര് നൽകിയ പുതുപ്പള്ളിയിലെ ആശുപത്രിയിലെ ഡയാലിസിസ് ബ്ലോക്കിന്റെ ഉദ്ഘാടനത്തിന് ​ഗവർണറെ ക്ഷണിച്ചതിൽ പ്രതികരണവുമായി ചാണ്ടി ഉമ്മൻ എംഎൽഎ. എല്ലാത്തിലും രാഷ്ട്രീയം കാണരുതെന്ന് പ്രതികരിച്ച ചാണ്ടി ഉമ്മൻ ​ഗവർണറുടെ പദവി മാത്രമാണ് താൻ പരി​ഗണിച്ചതെന്നും അഭിപ്രായപ്പെട്ടു. 

പുതുപ്പളളി പള്ളിയിൽ നടന്ന പരിപാടിയും ​ഗവർണറാണ് ഉദ്ഘാടനം ചെയ്തത്. അന്നും അദ്ദേഹത്തിന് എതിരെ ആരോപണങ്ങളുണ്ട്. എന്നാൽ അദ്ദേഹത്തിന്റെ പദവി മാത്രമാണ് പരി​ഗണിച്ചത്. സ്വകാര്യ ആശുപത്രിയിലെ അധികൃതർ ഒരു ജനപ്രതിനിധിയെന്ന നിലയ്ക്ക് ​ഗവർണറെ തങ്ങൾക്ക് അതിഥിയായി വേണമെന്ന് അഭ്യർഥിച്ചു. അങ്ങനെയുള്ളപ്പോൾ തനിക്ക് അവരോട് അദ്ദേഹത്തിന് നേരെ ഒരുപാട് ആരോപണങ്ങളുണ്ടെന്നും അതിനാൽ സാധിക്കില്ലെന്ന് പറയാൻ കഴിയില്ലെന്നും ചാണ്ടി ഉമ്മൻ കൂട്ടിച്ചേർത്തു. 

Content Highlights: chandy oommen on calling governer for innaguration