ബ്രഹ്മപുരത്ത് സ്ഥിതിഗതികള് നിയന്ത്രണവിധേയം; ആശങ്ക വേണ്ടെന്ന് ദുരന്ത നിവാരണ അതോറിറ്റി
കൊച്ചി: വീണ്ടും തീപ്പിടിത്തമുണ്ടായ ബ്രഹ്മപുരത്ത് സ്ഥിതിഗതികള് നിയന്ത്രണ വിധേയമാണെന്ന് ജില്ലാ ദുരന്ത നിവാരണ അതോറിറ്റി. സെക്ടര് ഏഴില് ചെറിയ പ്രദേശത്താണ് തീ പിടിത്തമുണ്ടായത്. നിലവില് തൃക്കാക്കര, തൃപ്പൂണിത്തുറ, പട്ടിമറ്റം, ഏലൂര് എന്നിവിടങ്ങളില് നിന്നുള്ള നാല് ഫയര് യൂണിറ്റുകള് രംഗത്തുണ്ട്. എട്ട് ഫയര് ടെന്ഡറുകള് തീയണയ്ക്കുന്നുണ്ട്. തീ നിയന്ത്രണ വിധേയമാണെന്ന് അഗ്നി രക്ഷാ വിഭാഗം അറിയിച്ചു.
ഫയര് വാച്ചര്മാരെ നിയോഗിച്ചിട്ടുള്ളതിനാല് തീപിടിത്തമുണ്ടായ ഉടന് തന്നെ തീയണയ്ക്കുന്നതിനുള്ള പ്രവര്ത്തനങ്ങള് ആരംഭിച്ചെന്നും ആശങ്ക വേണ്ടെന്നും ജില്ലാ ദുരന്ത നിവാരണ അതോറിറ്റി അറിയിച്ചു. റീജിയണല് ഫയര് ഓഫീസര് ജെ.എസ്. സുജിത്ത് കുമാറിന്റെയും ജില്ലാ ഫയര് ഓഫീസര് കെ. ഹരികുമാറിന്റെയും നേതൃത്വത്തിലാണ് പ്രവര്ത്തനങ്ങള് ഏകോപിപ്പിക്കുന്നത്.
Content Highlights: Brahmapuram fire disaster management authority