ആലപ്പുഴയില് കെഎസ്ആര്ടിസി ബസിലേക്ക് കാര് ഇടിച്ചുകയറി;5 മെഡിക്കല് വിദ്യാര്ഥികള്ക്ക് ദാരുണാന്ത്യം
ആലപ്പുഴ:കളര്കോട് കാറും കെഎസ്ആര്ടിസി ബസും കൂട്ടിയിടിച്ച് അഞ്ച് പേര് മരിച്ചു. ആലപ്പുഴ മെഡിക്കല് കോളേജിലെ വിദ്യാര്ഥികളായ പാലക്കാട് സ്വദേശി ശ്രീദീപ്, ലക്ഷദ്വീപ് സ്വദേശി മുഹമ്മദ് ഇബ്രാഹിം, കണ്ണൂർ സ്വദേശി മുഹമ്മദ് ജബ്ബാർ, ആലപ്പുഴ സ്വദേശി ആയുഷ് ഷാജി, മലപ്പുറം സ്വദേശി ദേവാനന്ദ് എന്നിവരാണ് മരിച്ചത്. ഒരാള് സംഭവസ്ഥലത്തും നാല് പേര് ആശുപത്രിയിലെത്തിയ ശേഷവുമാണ് മരിച്ചത്.
കെഎസ്ആര്ടിസി സൂപ്പര്ഫാസ്റ്റ് ബസിലേക്ക് കാര് ഇടിച്ചുകയറുകയായിരുന്നുവെന്ന് ദൃക്സാക്ഷികള് പറയുന്നു. കാര് വെട്ടിപ്പൊളിച്ചാണ് യുവാക്കളെ പുറത്തെടുത്തത്. കെഎസ്ആര്ടിസി ബസിന്റെ മുന്സീറ്റിലിരുന്ന യാത്രക്കാരിക്കും പരിക്കേറ്റിട്ടുണ്ട്.
വൈറ്റിലയില് നിന്ന് കായംകുളത്തേക്ക് പോയ ബസും എറണാകുളം ഭാഗത്തേക്ക് പോയ കാറുമാണ് കൂട്ടിയിടിച്ചത്. അപകടത്തില് കാര് പൂര്ണമായും തകര്ന്നു.
Content Highlights: alappuzha accident car and ksrtc bus four students died