ചന്ദ്രനിൽ സൾഫർ സാന്നിധ്യം സ്ഥിരീകരിച്ച് ചന്ദ്രയാൻ 3; ഹൈഡ്രജനായി പരിശോധന തുടരുന്നു
ബെംഗളൂരു: ചന്ദ്രനില് സള്ഫറിന്റെ സാന്നിധ്യം സ്ഥിരീകരിച്ച് ഐഎസ്ആര്ഒയുടെ ചന്ദ്രയാന്-3 ദൗത്യം. ചന്ദ്രോപരിതലത്തില് സഞ്ചരിക്കുന്ന പ്രഗ്യാന് റോവറാണ് സള്ഫറിന്റെയും ഓക്സിജന് അടക്കമുള്ള മറ്റു മൂലകങ്ങളുടേയും സാന്നിധ്യം കണ്ടെത്തിയിരിക്കുന്നത്. ഐഎസ്ആര്ഒ വാര്ത്താ കുറിപ്പിലാണ് ഇക്കാര്യം അറിയിച്ചത്. ശാസ്ത്രീയ പരീക്ഷണങ്ങള് തുടരുകയാണെന്നും ഐഎസ്ആര്ഒ വ്യക്തമാക്കി.
'റോവറിലുള്ള ലേസര്-ഇന്ഡസ്ഡ് ബ്രേക്ക്ഡൗണ് സ്പെക്ട്രോസ്കോപ്പ് (എല്ഐബിഎസ്) ഉപകരണം ചന്ദ്രോപരിതലത്തിന്റെ ദക്ഷിണ ധ്രുവത്തില് സള്ഫറിന്റെ സാന്നിധ്യം അസന്ദിഗ്ധമായി സ്ഥിരീകരിക്കുന്നു', ഐഎസ്ആര് അറിയിച്ചു.
പ്രാഥമിക വിശകലനത്തില് ചന്ദ്രോപരിതലത്തില് അലുമിനിയം, കാല്സ്യം, ഇരുമ്പ്, ക്രോമിയം, ടൈറ്റാനിയം എന്നിവയുടെ സാന്നിധ്യം വെളിപ്പെട്ടിട്ടുണ്ടെന്നും ഐഎസ്ആര്ഒ അറിയിച്ചു.
കൂടാതെ മാംഗനീസ്, സിലിക്കണ്, ഓക്സിജന് എന്നിവയുടെ സാന്നിധ്യവും കണ്ടെത്തിയിട്ടുണ്ട്. ഹൈഡ്രജന്റെ സാന്നിധ്യം സംബന്ധിച്ച് പരിശോധനകൾ നടന്നുവരികയാണെന്നും ഐഎസ്ആര്ഒ വ്യക്തമാക്കി.
Content Highlights: ISRO says Chandrayaan's Pragyan rover detected Oxygen & other elements on moon