ഡൽഹിയിൽ കനത്ത മഴ; വെള്ളക്കെട്ടിലകപ്പെട്ട് 2 മരണം, വിദ്യാഭ്യാസ സ്ഥാപനങ്ങൾക്ക് അവധി

ന്യൂഡൽഹി: രാജ്യ തലസ്ഥാനത്ത് ശക്തമായ മഴയെ തുടർന്ന് രൂപപ്പെട്ട വെള്ളക്കെട്ടിൽ അകപ്പെട്ട് രണ്ടുമരണം. ഡൽഹിയിലെ ഗാസിപൂരിലാണ് സംഭവം. 22 കാരിയായ സ്ത്രീയും ഒരു കുട്ടിയുമാണ് മരിച്ചത്. 

മഴയെ തുടർന്ന് റോഡുകളിലടക്കം വെള്ളം കയറി ​ഗതാ​ഗതം തടസ്സപ്പെടുകയും ജനജീവിതം ദുസ്സഹമാകുകയും ചെയ്തു. ന​ഗരത്തിലെ എല്ലാ വിദ്യാഭ്യാസ സ്ഥാപനങ്ങൾക്കും വിദ്യാഭ്യാസ മന്ത്രി അതിഷി അവധി പ്രഖ്യാപിച്ചു.

കഴിഞ്ഞ ദിവസം ഡൽഹിയിൽ സിവില്‍ സര്‍വീസ് കോച്ചിങ്‌ കേന്ദ്രത്തിന്റെ ബേസ്‌മെന്റില്‍ വെള്ളം കയറി മൂന്നു വിദ്യാർഥികൾ മരിച്ചിരുന്നു.

Content Highlights: Heavy Rain at delhi 2 Dead Schools Shut