അമരീന്ദര് സിങ് ബിജെപിയിലേക്ക്; പാർട്ടി ലയനം അടുത്ത ആഴ്ച ഉണ്ടായേക്കുമെന്ന് റിപ്പോർട്ട്
ചണ്ഡിഗഢ്: കോണ്ഗ്രസ് വിട്ട പഞ്ചാബ് മുന് മുഖ്യമന്ത്രി അമരീന്ദര് സിങ് ബിജെപിയില് ചേര്ന്നേക്കുമെന്ന് റിപ്പോര്ട്ട്. ചികിത്സയ്ക്കായി ലണ്ടനിലേക്ക് പോയ അമരീന്ദര് അടുത്തയാഴ്ച തിരിച്ചെത്തിയാലുടന് പഞ്ചാബ് ലോക് കോണ്ഗ്രസ്-ബിജെപി ലയനം ഉണ്ടായേക്കുമെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
നടുവിന് ശസ്ത്രക്രിയ ചെയ്യാനായാണ് അമരീന്ദര് ലണ്ടനിലേക്ക് പോയത്. ശസ്ത്രക്രിയയ്ക്ക് ശേഷം പ്രധാനമന്ത്രി മോദി അമരീന്ദറുമായി ഫോണില് സംസാരിച്ചിരുന്നു.
മുഖ്യമന്ത്രി സ്ഥാനത്തെ ചൊല്ലിയുള്ള തര്ക്കങ്ങളെ തുടര്ന്ന് എട്ട് മാസങ്ങള്ക്ക് മുന്പാണ് അമരീന്ദര് കോണ്ഗ്രസ് വിട്ടത്. തുടര്ന്ന് പഞ്ചാബ് ലോക് ശക്തി എന്ന പേരില് സ്വന്തം പാര്ട്ടി രൂപീകരിച്ചു. പഞ്ചാബ് നിയമസഭാ തിരഞ്ഞെടുപ്പില് ബിജെപിയുമായി സഖ്യം ചേര്ന്നാണ് അമരീന്ദറിന്റെ പാര്ട്ടി തിരഞ്ഞെടുപ്പിനെ നേരിട്ടത്. പട്യാല സീറ്റില് നിന്ന് മത്സരിച്ചെങ്കിലും വിജയിക്കാനായില്ല.
Content Highlights: Amarinder Singh Set To Join BJP