വീട്ടില് പല്ലിയുടെ ശല്യം രൂക്ഷമാകുന്നോ? ചില പൊടിക്കൈകള് പരീക്ഷിക്കാം
വീടുകളില് പലപ്പോഴും പല്ലിയുടെ ശല്യം രൂക്ഷമാകാറുണ്ട്. അടുക്കളയില് തുറന്നിരിക്കുന്ന ഭക്ഷണപദാര്ത്ഥങ്ങള് പോലും ഇവ ആഹാരമാക്കുന്നു. ഇത്തരം പദാര്ത്ഥങ്ങള് പോലുള്ള ഘടകങ്ങള് പല്ലികളെ വീട്ടിലേക്ക് ആകര്ഷിക്കും. അല്പ്പമൊന്ന് മനസു വെച്ചാല് പല്ലിയുടെ ശല്യം പെട്ടെന്ന് ഇല്ലാതാക്കാം.
കുരുമുളക് സ്പ്രേയുടെ ഉപയോഗം വേഗത്തില് ഫലം തരും. കുരുമുളകും വെള്ളവും കലര്ന്ന മിശ്രിതം പല്ലികളുള്ള ഇടങ്ങളില് തളിക്കുകയാണ് വേണ്ടത്. ഈ സ്പ്രേ ഉള്ള ഇടങ്ങള് പല്ലികള് ഒഴിവാക്കും. വെളുത്തുള്ളി, ഉള്ളി പോലുള്ള മാര്ഗങ്ങളും ഉപയോഗിക്കാം. പല്ലികള്ക്ക് ഇവയുടെ മണം ഇഷ്ടപ്പെടില്ല.
മണം ഇഷ്ടപ്പെടാത്തത് കൊണ്ടുതന്നെ വെളുത്തുള്ളി, ഉള്ളി എന്നിവയിലുള്ള പ്രദേശത്ത് പിന്നെ പല്ലികള് എത്തില്ല. ഉള്ളി അരിഞ്ഞോ വെളുത്തുള്ളിയുടെ ഒരു കഷണം അടുക്കളയില് വെയ്ക്കുകയോ ചെയ്താല് മതി. ഒരു കുപ്പിയില് വെള്ളവുമായി കലര്ത്തിയും ഇവ ഉപയോഗിക്കാം. സ്പ്രേ ആയി ഈ മിശ്രിതം പ്രയോജനപ്പെടുത്താം.
വിനാഗിരിയും നാരങ്ങയും ചേര്ത്ത മിശ്രിതം സ്പ്രേ ചെയ്യാം. മിശ്രിതം നന്നായി കുലുക്കിയ ശേഷം പല്ലികളിലോ അവയെ പതിവായി കാണുന്ന ഇടങ്ങളിലോ ഇത് നേരിട്ട് തളിക്കുന്നത് പല്ലികളെ തുരത്തും. തുറന്നു വെച്ചിരിക്കുന്ന ഭക്ഷണപദാര്ത്ഥങ്ങള് പല്ലിയെ ആകര്ഷിക്കും. ഇത്തരം ഭക്ഷണങ്ങള് കൃത്യമായ ഇടവേളകളില് ശുചീകരിക്കുക.
Content Highlights: how to get rid of lizards at home, hometips latest