ഉംറയ്ക്കായി യുവന്‍ ശങ്കര്‍ രാജ മക്കയിലേക്ക്

ഇളയരാജയുടെ മകനും തമിഴ് സംഗീത സംവിധായകനുമായ യുവന്‍ ശങ്കര്‍ രാജ ഉംറയ്ക്കായി യാത്ര തിരിച്ചു. ഇഹ്‌റാം വേഷത്തോടെ വിമാനത്തില്‍ ഇരിക്കുന്ന യുവന്റെ ചിത്രവും പ്രചരിക്കുന്നുണ്ട്. എന്നാണ് യുവന്‍ യാത്ര തിരിച്ചതെന്ന വിവരം ലഭ്യമല്ല.

കോവിഡ് വ്യാപനത്തിന് ശേഷം 2021 ഓഗസ്റ്റിലാണ് സൗദിയില്‍ ഉംറ തീര്‍ഥാടകരെ പ്രവേശിപ്പിക്കാന്‍ ആരംഭിച്ചത്. 2014ലാണ്  യുവന്‍ ശങ്കര്‍ രാജ താന്‍ ഇസ്ലാം മതം സ്വീകരിച്ചതായി വെളിപ്പെടുത്തുന്നത്. 2011-ല്‍ അമ്മ മരിച്ചതോടെ കടുത്ത മാനസിക വിഷമം അനുഭവിച്ചെന്നും തുടര്‍ന്നാണ് ഇസ്ലാമിന്റെ വഴി തിരഞ്ഞെടുത്തതെന്നും  യുവന്‍ പറഞ്ഞിരുന്നു.

Content Highlights: yuvan shankar raja travels Mecca to perform umrah viral photo