'വാഴ 2' സംവിധായകൻ സവിൻ നായകനാകുന്നു; 'ഗുലാബ്' ഷൂട്ടിങ് ഉടൻ ആരംഭിക്കും

ബ്ലൂം ഇന്റർനാഷണലിന്റെ ബാനറിൽ വേണു ഗോപാലകൃഷ്ണൻ നിർമിക്കുന്ന മൂന്നാമത്തെ ചിത്രമായ 'ഗുലാബി'ൽ, 'വാഴ-2' എന്ന സൂപ്പർഹിറ്റ് ചിത്രത്തിന്റെ സംവിധായകൻ സവിൻ സാ നായകനായെത്തുന്നു. ചിത്രത്തിന്റെ അനൗൺസ്‌മെന്റും മോഷൻ ടൈറ്റിൽ ലോഞ്ചും കൊച്ചിയിൽ നടന്നു. സവിൻ സാ ആദ്യമായാണ് അഭിനയരംഗത്തേക്ക് കടക്കുന്നത്. നവാഗതനായ ലിബീഷ് പെരിക്കാട് ചിത്രം സംവിധാനം ചെയ്യുന്നു.

കൊച്ചിയുടെ പരിസരപ്രദേശത്ത് നടക്കുന്ന യാഥാർഥ്യത്തോടടുത്ത തീവ്രമായ പ്രണയ ചിത്രമായിരിക്കും 'ഗുലാബ്.' സംവിധായകൻ നിതിൻ രഞ്ജി പണിക്കരും യുറേക്ക സ്റ്റോറീസിലൂടെ അറിയപ്പെടുന്ന നന്ദഗോപനും ചിത്രത്തിൽ പ്രധാന വേഷങ്ങളിൽ എത്തുന്നു.

ബോളിവുഡിൽ നിന്നുള്ള താരമായിരിക്കും നായിക എന്നാണ് അണിയറ പ്രവർത്തകർ നൽകുന്ന സൂചന. ഇൻഫ്‌ലുവൻസർമാരായ പൊളി ശരത്, സാമ്പാർ ടീം, ആൻസി ചാൾസ് എന്നിവരും ചിത്രത്തിലെ പ്രധാന കഥാപാത്രങ്ങളാകുന്നു.

പ്രമുഖരായ അണിയറ പ്രവർത്തകരും ചിത്രത്തിന് പിന്നിൽ അണിനിരക്കുന്നു. സംഗീതം ഒരുക്കുന്നത് സാം സി.എസ് ആണ്. 50 ദിവസംകൊണ്ട് എറണാകുളത്തും ഒഡിഷയിലുമായി ഷൂട്ടിങ് പൂർത്തിയാക്കും.

ക്യാമറ: നിഖിൽ എസ്. പ്രവീൺ, എഡിറ്റർ: മൻസൂർ മുത്തുട്ടി, സൗണ്ട് ഡിസൈൻ: രംഗനാഥ് രവി, കോ- ഡയറക്ടർ: സനൽ വി. ദേവൻ, അസോസിയേറ്റ് ഡയറക്ടർ: ശ്രീജിത്ത് നന്ദൻ, ആക്ഷൻ ഡയറക്ടർ: തവസി രാജ്, ആർട്ട്: കൊല്ലം സുരേഷ്, പ്രൊഡക്ഷൻ കൺട്രോളർ: നെജീർ നെസീം, കോസ്റ്റ്യൂം: നിസാർ റഹ്‌മത്ത്, മേക്കപ്പ്: റഷീദ് അഹമ്മദ്, പി.ആർ.ഒ: മഞ്ജു ഗോപിനാഥ്. പബ്ലിസിറ്റി ഡിസൈൻസ്: യെല്ലോടൂത്ത്‌സ്.

Content Highlights: Savin Sa, director of the movie 'Vaazha 2', is making his acting debut as the lead actor in the upcoming film 'Gulaab'. Produced by Venu Gopalakrishnan under Bloom International, the film is directed by newcomer Libeesh Perikkad. 'Gulaab' is an intense, realistic romantic drama set in and around Kochi, with music composed by Sam CS. The cast includes director Nithin Renji Panicker, Nandagopan, and influencers Poli Sarath, Sambar Team, and Ancy Charles, with a Bollywood actress slated for the female lead. Shooting will be completed over 50 days across locations in Ernakulam and Odisha.