തുടക്കത്തിൽ കുറെയേറെ കഷ്ടപ്പെട്ടു, പക്ഷെ അവർ തോൽക്കാൻ തയ്യാറായിരുന്നില്ല; കല്യാണിയേക്കുറിച്ച് സുരഭി
കല്യാണി പ്രിയദർശനെ നായികയാക്കി മനു സി. കുമാർ സംവിധാനം ചെയ്ത 'ശേഷം മൈക്കിൽ ഫാത്തിമ' തിയേറ്ററുകളിലെത്തിയിരിക്കുകയാണ്. ചിത്രത്തിൽ മലപ്പുറത്തുകാരിയായ ഫാത്തിമ എന്ന ഫുട്ബോൾ കമന്റേറ്ററായാണ് കല്യാണിയെത്തിയത്. ഈ കഥാപാത്രത്തിനായി മലപ്പുറം ശൈലിയിൽ ഡബ്ബ് ചെയ്യാൻ കല്യാണിയെ സഹായിച്ചത് നടി സുരഭി ലക്ഷ്മിയാണ്. കഥാപാത്രത്തിന്റെ പൂർണതയ്ക്കായി കല്യാണി ഏറെ കഷ്ടപ്പെട്ടുവെന്ന് സുരഭി ലക്ഷ്മി ഫെയ്സ്ബുക്ക് പോസ്റ്റിൽ പറഞ്ഞു.
മലബാർ സ്ലാങ്ങിൽ സംസാരിക്കാൻ സഹായിക്കണമെന്ന് അഭ്യർഥിച്ച് കല്യാണി വിളിച്ചപ്പോൾ ആദ്യം ഒഴിഞ്ഞുമാറാൻ നോക്കിയെന്ന് സുരഭി ലക്ഷ്മി പറഞ്ഞു. അസിസ്റ്റന്റ് ഡയറക്ടർമാരുടെ സഹായത്തോടെ കുറച്ചൊക്കെ ഡബ്ബ് ചെയ്തിട്ടുണ്ട്. ബാക്കി ചെയ്യാൻ സഹായിക്കണം. എത്ര കഷ്ടപ്പെടാനും റെഡിയാണ്. സ്വയം ഡബ്ബിങ് ചെയ്യണം എന്നുള്ള ആഗ്രഹം കൊണ്ടാണെന്നും പറഞ്ഞപ്പോൾ സമ്മതം മൂളുകയായിരുന്നുവെന്നും സുരഭി ലക്ഷ്മി കുറിച്ചു.
ടൊവിനോ നായകനാവുന്ന എആർഎം എന്ന ചിത്രത്തിൽ സുരഭി അഭിനയിക്കുന്നുണ്ട്. ഈ ചിത്രത്തിന്റെ ഇടവേളയിലായിരുന്നു അവർ കല്യാണിയെ ഡബ്ബിങ്ങിന് സഹായിച്ചത്. 'തുടക്കത്തിൽ കുറെയേറെ കഷ്ടപ്പെട്ടു , പക്ഷെ അവർ തോൽക്കാൻ തയ്യാറായിരുന്നില്ല, മൂന്ന് നാല് ദിവസം കൊണ്ട് മലയാളവും മലബാറും പഠിച്ചെടുക്കുവാൻ അവർ കാണിച്ച കഠിനാധ്വാനം എന്നെ അത്ഭുതപ്പെടുത്തി. ഡബ്ബിങ് കഴിഞ്ഞ് തിരിച്ചെത്തിയാൽ പിറ്റേന്നത്തെ ദിവസം ചെയ്യാനുള്ള സീനുകൾ ഇരുന്ന് പഠിക്കാനും, രാവിലെ ചേച്ചി അത് ഒന്നുകൂടി പറഞ്ഞു തരുമോ എന്ന് ചോദിച്ചു പ്രാക്ടീസ് ചെയ്യും.' സുരഭി പറഞ്ഞു
ഒരു നടി എന്ന നിലയ്ക്ക് കല്യാണിക്ക് ഇപ്പോൾ ചെയ്യാൻ സാധിക്കുന്നതിന്റെ പരമാവധി അവർ ചെയ്തിട്ടുണ്ട്. വളരെ സന്തോഷം തോന്നുന്നു കല്യാണി. ഒരു നടി തന്റെ അതിർവരമ്പുകൾ പൊളിച്ചെറിഞ്ഞുകൊണ്ടേയിരിക്കണമെന്നും സുരഭി പറഞ്ഞു. കല്യാണിയുടെ ഡബ്ബിങ് സെഷന്റെ വീഡിയോയും കുറിപ്പിനൊപ്പം സുരഭി പോസ്റ്റ് ചെയ്തിട്ടുണ്ട്.
ഹെലോ ചേച്ചി കല്യാണി യാണ്, ഞാൻ അഭിനയിച്ച "ശേഷം മൈക്കിൾ ഫാത്തിമ "എന്ന സിനിമയിൽ മലബാർ സ്ലാങ്ങ്ൽ ആണ് .എന്നെ ഡബ്ബ് ചെയ്യാൻ ഒന്ന് ഹെൽപ്പ് ചെയ്യുമോ? അയ്യോ കല്യാണി,ഞാൻ എനിക്ക് ഡബ്ബ് ചെയ്യന്നല്ലാതെ, ഇതുവരെ അങ്ങനെയൊന്നും ചെയ്തിട്ടില്ല എന്ന് പറഞ്ഞപ്പോഴേക്കും, "ചേച്ചി എന്റെ മലയാളം ഓർത്ത്പേടിക്കേണ്ട, എസ്രയും,സഹ യും (അസിസ്റ്റന്റ് ഡയറക്ടേഴ്സ്) പറഞ്ഞതുപോലെ ഞാൻ കുറച്ചൊക്കെ മലയാളത്തിൽ സ്ലാങ് പിടിച്ചിട്ടുണ്ട്, ബാക്കി ചേച്ചി ശരിയാക്കി തരണം, എത്ര കഷ്ടപ്പെടാനും ഞാൻ റെഡിയാണ്, എനിക്ക് തന്നെ ഈ സിനിമയിൽ ഡബ്ബിങ് ചെയ്യണം എന്നുള്ള ആഗ്രഹം കൊണ്ടാണ്. എങ്കിൽ ഓക്കേ, മലബാർ സ്ലാങ്ങ് ആളുകൾ കളിയാക്കുന്നത് പോലെയല്ല.ആ സ്ലാങ്ങ് നാവിൽ വഴങ്ങി വരണം എന്നുണ്ടെങ്കിൽ കുറച്ച് പാടാണ്. പല നടന്മാരും അത് ചെയ്യുമ്പോൾ കൊഞ്ഞിപ്പാണ് വരാറ്.അത് കിട്ടിക്കഴിഞ്ഞാൽ കേരളത്തിലെ ഏത് സ്ലാങ്ങും ചെയ്യാൻ പറ്റും. സ്നേഹം കൂടുമ്പോ അക്ഷരം കുറയുന്ന ഒരു സ്ലാങ് ആണ്. എന്തായാലും നമുക്ക് ശ്രമിച്ചു നോക്കാം ARM MOVIE schedule breakil രണ്ടുതവണയായി ഞാനും Director മനു, Assistant ഭഗത്തും ചെന്നൈയിൽ പോയി ലിസി ലക്ഷ്മി സ്റ്റുഡിയോയിൽ സൗണ്ട് എൻജിനീയർ ശിവ അണ്ണനോടൊത്ത് ഞങ്ങൾ അംങ്കം കുറിച്ചു. ക്ലൈമാക്സിലെ ഏതാനും സീനുകളും, 3,4, വേറെ സീനുകളും ഒഴിച്, ബാക്കിഎല്ലാം ഞങ്ങൾ രസകരമായി ചെയ്തു. മറ്റൊരുതരത്തിൽ ഒരു ആർട്ടിസ്റ്റ് എന്ന നിലയ്ക്ക് എനിക്കും ഒരുപാട് കാര്യങ്ങൾ പഠിക്കാൻ പറ്റി. ഡബ്ബിങ്ങിനിടയിൽ ഭാഗത് എടുത്ത കുറച്ച് ഓർമ്മകൾ.... തുടക്കത്തിൽ കുറെയേറെ കഷ്ടപ്പെട്ടു , പക്ഷെ അവർ തോൽക്കാൻ തയ്യാറായിരുന്നില്ല, മൂന്ന് നാല് ദിവസം കൊണ്ട് മലയാളവും മലബാറും പഠിച്ചെ ചെടുക്കുവാൻ അവർ കാണിച്ച hardwork എന്നെ അത്ഭുതപ്പെടുത്തി. ഡബ്ബിങ് കഴിഞ്ഞ് തിരിച്ചെത്തിയാൽ പിറ്റേന്നത്തെ ദിവസം ചെയ്യാനുള്ള സീനുകൾ ഇരുന്ന് പഠിക്കാനും, രാവിലെ "ചേച്ചി അത് ഒന്നുകൂടി പറഞ്ഞു തരുമോ എന്ന് ചോദിച്ചു പ്രാക്ടീസ് ചെയ്യും. "ര " "റ" "ശ" , "ഷ" യും "യ" , "ഴ" യും ഒരുപാട് കല്യാണിയെ കഷ്ടപ്പെടുത്തി, തളരാൻ അവർ തയ്യാറായില്ല,... ഒരു നടി എന്ന നിലയ്ക്ക് കല്യാണിക്ക് ഇപ്പോൾ ചെയ്യാൻ സാധിക്കുന്നതിന്റെ പരമാവധി അവർ ചെയ്തിട്ടുണ്ട്, വളരെ സന്തോഷം തോന്നുന്നു കല്യാണി, ഒരു actress തന്റെ boundaries പൊളിച്ചെറിഞ്ഞു കൊണ്ടേയിരിക്കണം, കല്യാണിക്ക് ഇനിയും ഇനിയും അതിന് സാധിക്കട്ടെ, ശേഷം മൈക്കിൾ ഫാത്തിമ അതിന് ഒരു വലിയ തുടക്കമാവട്ടെ......... #mikilfathima #KalyaniPriyadarshan #ManuCkumar #JagadishPalanisamy #GokulamGopalan #VCPraveen #BaijuGopalan #SR_Krishnamoorthy #Unnimaya #AishwaryaSuresh #FeminaGeorge #ShaheenSidhique #HeshamAbdulWahab #SanthanaKrishnanRavichandran #KiranDas #NimeshThanoor #DhanyaBalakrishnan #RonexXavier #TheRoute #PassionStudios #SreeGokulamMovies #ThinkMusicOfficial #DreamBigFilms #PratheeshSekhar #SnakeplantLLP ....
Posted by Surabhi Lakshmi on Friday, November 17, 2023
ഹിഷാം അബ്ദുൽ വഹാബ് സംഗീത സംവിധാനം നിർവഹിക്കുന്ന ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് സന്താന കൃഷ്ണൻ രവിചന്ദ്രൻ ആണ്. സുധീഷ്, ഫെമിന, സാബുമോൻ, ഷഹീൻ സിദ്ധിഖ്, ഷാജു ശ്രീധർ, മാല പാർവതി, അനീഷ് ജി മേനോൻ, സരസ ബാലുശ്ശേരി, പ്രിയാ ശ്രീജിത്ത്, ബാലതാരങ്ങളായ തെന്നൽ, വാസുദേവ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ദി റൂട്ട്, പാഷൻ സ്റ്റുഡിയോസ് എന്നിവയുടെ ബാനറിൽ ജഗദീഷ് പളനിസ്വാമിയും സുധൻ സുന്ദരവും ചേർന്നാണ് ചിത്രം നിർമിച്ചിരിക്കുന്നത്. ലിയോ, ജവാൻ, ജയിലർ എന്നീ ചിത്രങ്ങളുടെ ബോക്‌സ് ഓഫീസ് വിജയത്തിന് ശേഷം ഗോകുലം മൂവീസ് ആഗോള തലത്തിൽ റിലീസ് ചെയ്യുന്ന മലയാള ചിത്രമാണ് ശേഷം മൈക്കിൽ ഫാത്തിമ. കേരളത്തിൽ ഗോകുലം മൂവീസിന്റെ ഡിസ്ട്രിബൂഷൻ പാർട്ട്‌നേഴ്സ് ആയ ഡ്രീം ബിഗ് ഫിലിംസാണ് വിതരണം നിർവഹിക്കുന്നത്.
Content Highlights: surabhi lakshmi about kalyani priyadarshan, sesham mikeil fathima movie dubbing