ടൈം ട്രാവൽ ത്രില്ലർ 'ഒറിജിനൽ' ഒക്ടോബർ 23-ന് തിയേറ്ററുകളിൽ; രണ്ട് മില്യൺ വ്യൂസുമായി ട്രെയ്‌ലർ യൂട്യൂബിൽ ട്രെൻഡിങ്ങിൽ

ടൈം ട്രാവൽ മലയാള ചിത്രം 'ഒറിജിനൽ' തിയേറ്റർ റിലീസിന് ഒരുങ്ങുന്നു. ഒക്ടോബർ 23-ന് ചിത്രം തിയേറ്ററുകളിലെത്തും. 'ഒറിജിനൽ' ട്രെയിലർ ലോഞ്ച് കാക്കനാട് രാജഗിരി കോളേജിൽ ബുധനാഴ്ച നടന്നു. റിലീസിന് മുന്നോടിയായി നടന്ന ചടങ്ങിൽ താരങ്ങൾക്കൊപ്പം വിദ്യാർഥികളും ചേർന്നാണ് ട്രെയ്‌ലർ ലോഞ്ച് ചെയ്തത്.

ശ്രീനാഥ് ഭാസി, ഫെമിന ജോർജ്, സ്റ്റിനി ഫ്രാൻസിസ്, സുബിൻ ടാർസൻ, ഗായിക കവിത കാളിയപ്പൻ, ഗാനരചയിതാവ് മുത്തു, സംവിധായകൻ റമീസ് എന്നിവർ ചടങ്ങിൽ പങ്കെടുത്തിരുന്നു. കവിത കാളിയപ്പനും മുത്തുവും ശ്രീനാഥ് ഭാസിയും ഗാനങ്ങൾ ആലപിച്ചത് ക്യാമ്പസിൽ വലിയ ആവേശം സൃഷ്ടിച്ചു.

'നമ്മൾ സമയവുമായി കളിച്ചാൽ, സമയം എന്തായാലും തിരിച്ച് കളിക്കും' എന്ന ഡയലോഗാണ് ട്രെയ്‌ലറിന്റെ ഹൈലൈറ്റ്. 'ഇഫ് യൂ മെസ് വിത്ത് ടൈം, ഇറ്റ് ടെൻഡ്‌സ് ടു മെസ് ബാക്ക്', എന്ന ഡയലോഗിനൊപ്പം ഉദ്വേഗം നിറഞ്ഞ മുഹൂർത്തങ്ങളും കൗതുകമുണർത്തുന്ന രംഗങ്ങളുമാണ് ട്രെയ്‌ലറിൽ ഉൾപ്പെടുത്തിയിരിക്കുന്നത്. അടുത്തതായി എന്താണ് സംഭവിക്കാൻ പോകുന്നത് എന്ന ആകാംക്ഷ പ്രേക്ഷകരിൽ സൃഷ്ടിക്കുന്ന തരത്തിലാണ് ട്രെയ്‌ലർ ഒരുക്കിയിരിക്കുന്നത്.

യുവാവായ റിജിന്റെ സിനിമാമോഹവും അയാളുടെ ജീവിതത്തിൽ സംഭവിക്കുന്ന വ്യത്യസ്തമായ സംഭവവികാസങ്ങളുമാണ് ചിത്രത്തിന്റെ പ്രമേയം. ടൈം ട്രാവൽ, ഫാന്റസി, ഹാസ്യം, ത്രില്ലർ, വൈകാരിക മുഹൂർത്തങ്ങൾ എന്നിവ സമന്വയിപ്പിക്കുന്ന ചിത്രത്തിന്റെ ലോകത്തെ കൂടുതൽ പരിചയപ്പെടുത്തുന്നതാണ് ട്രെയ്‌ലർ. നേരത്തെ പുറത്തിറങ്ങിയ ടീസറിനും ഗാനങ്ങൾക്കും പിന്നാലെയാണ് ചിത്രത്തിന്റെ കഥയിലേക്കുള്ള കൂടുതൽ സൂചനകൾ നൽകിക്കൊണ്ട് ട്രെയിലർ എത്തിയിരിക്കുന്നത്.

റമീസ് എഴുതി സംവിധാനം ചെയ്യുന്ന ചിത്രത്തിൽ ശ്രീനാഥ് ഭാസി നായകനാകുന്നു. അഭിരാം രാധാകൃഷ്ണൻ, രാജേഷ് മാധവൻ, സാഫ് ബോയ്, ബിനു പപ്പു, ഫെമിന ജോർജ്, ശ്രീകാന്ത് വെട്ടിയാർ, ഗോകുലൻ, അനീഷ് ജി, സലീം ഹസൻ, ദിനേശ് പ്രഭാകർ, രാജേഷ് പറവൂർ, ഷമീർ (ചൂരൽ), സുബിൻ ടാർസൻ, അരുൺ പ്രദീപ്, ലാല മലപ്പുറം, സ്റ്റിനി ഫ്രാൻസിസ്, ഹാരിസ് സലീം, വിരു വിവേക് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.

മാസ് മീഡിയ, സിക്കു ഫിലിംസ് എന്നീ ബാനറുകളിൽ ഒരുങ്ങുന്ന ചിത്രത്തിന്റെ സഹനിർമാണം ഹർഷദ് വഹിക്കുന്നു. ഷഫീഖ് മുഹമ്മദ് അലിയാണ് എഡിറ്റർ. ഫഹദ് ഫത്ലി ഛായാഗ്രഹണം നിർവഹിക്കുന്നു. അർഷാദ് നാക്കോത്ത്, രജീഷ് കെ. സൂര്യ എന്നിവർ ചേർന്നാണ് കലാസംവിധാനം നിർവഹിക്കുന്നത്. മൈൻഡ്‌സ്‌റ്റൈൻ സ്റ്റുഡിയോസാണ് വിഷ്വൽ എഫക്റ്റ്‌സ് ഒരുക്കുന്നത്. അഷ്‌റ മുഹമ്മദ് എക്‌സിക്യൂട്ടീവ് പ്രൊഡ്യൂസറായും കാസ്റ്റിങ് ചുമതലയും നിർവഹിക്കുന്നു.

സച്ചിൻ സുധാകരൻ, ഹരിഹരൻ എം. (സിങ്ക് സിനിമ) എന്നിവർ ചേർന്നാണ് സൗണ്ട് ഡിസൈൻ നിർവഹിക്കുന്നത്. റൊണെക്‌സ് സേവ്യർ മേക്കപ്പും സമീറ സനീഷ് വസ്ത്രാലങ്കാരവും നിർവഹിക്കുന്നു. പി.സി. സ്റ്റണ്ട്‌സ് ആക്ഷൻ കൊറിയോഗ്രഫി നിർവഹിക്കുന്നു. ചിത്രത്തിന്റെ കോൺസെപ്റ്റ് വികസിപ്പിച്ചിരിക്കുന്നത് ജിപിൻ ഗോപിയാണ്. ജാവേദ് ചെമ്പു ചിത്രത്തിന്റെ പ്രൊഡക്ഷൻ കൺട്രോളറായി പ്രവർത്തിക്കുന്നു. ഡി.ഐ. നിർവഹിച്ചിരിക്കുന്നത് കളർ പ്ലാനറ്റാണ്.

സ്റ്റോറീസ് സോഷ്യലിന്റെ ബാനറിൽ ഡോ. സംഗീത ജനചന്ദ്രൻ ചിത്രത്തിന്റെ മാർക്കറ്റിങ് ആൻഡ് കമ്മ്യൂണിക്കേഷൻസ് കൈകാര്യം ചെയ്യുന്നു. പ്രദീപ് മേനോൻ ഡിസ്ട്രിബ്യൂഷൻ ഹെഡാണ്.

ചിത്രത്തിന്റെ സംഗീതാവകാശം തിങ്ക് മ്യൂസിക് സ്വന്തമാക്കിയിട്ടുണ്ട്. ഹോം സ്‌ക്രീൻ എന്റർടെയ്ൻമെന്റ്‌സാണ് ചിത്രത്തിന്റെ ജി.സി.സി. വിതരണ പങ്കാളി.

Content Highlights: Malayalam time travel thriller film Original, starring Sreenath Bhasi, is scheduled for theatrical release on October 23. The movie's trailer was officially launched by the cast and students at Rajagiri College, Kakkanad. The trailer gained significant traction online, surpassing two million views and trending on YouTube. Directed and written by Ramees, the film features an ensemble cast including Femina George, Abhiram Radhakrishnan, and Rajesh Madhavan. Music rights have been acquired by Think Music, with Home Screen Entertainments handling GCC distribution.