ചിമ്പു-എ.ആർ റഹ്മാൻ-ഗൗതം വാസുദേവ് മേനോൻ ടീം ചിത്രത്തിന് പുതിയ പേര്; 'വെന്ത് തനിന്തത് കാട്' ഫസ്റ്റ് ലുക്ക്

​വിണ്ണൈതാണ്ടി വരുവായ, അച്ചം എൻപത് മടമയ്യടാ എന്നീ ചിത്രങ്ങൾക്കു ശേഷം ചിമ്പുവും ഗൗതം മേനോനും എ.ആർ റഹ്മാനും ഒരുമിക്കുന്ന പുതിയ ചിത്രമാണ് 'വെന്ത് തനിന്തത് കാട്'. ചിത്രത്തിന്റെ ഫസ്റ്റ്ലുക്ക് റിലീസ് ചെയ്തു. ചിമ്പുവിന്റെ 47ാം ചിത്രമാണിത്.

വേറിട്ട ​ഗെറ്റപ്പിലാണ് താരം ചിത്രത്തിലെത്തുന്നത്. തിരുചെന്തൂറിലാകും സിനിമയുടെ ചിത്രീകരണം. വേൽസ് ഫിലിം ഇന്റർനാഷണൽ ആണ് നിർമാണം. താമരൈയാണ് ​ഗാനരചന.

നേരത്തെ 'നദികളിലെയ് നീരാടും സൂരിയൻ എന്നായിരുന്നു ചിത്രത്തിന് നൽകിയിരുന്ന പേര്.

ചിലമ്പരശനെ നായകനാക്കി 2010 ൽ ​ഗൗതം മേനോൻ സംവിധാനം ചെയ്ത 'വിണ്ണൈത്താണ്ടി വരുവായാ' മികച്ച വിജയം കൈവരിച്ച ചിത്രമായിരുന്നു. തൃഷ നായികയായെത്തിയ ചിത്രം ഗൗതം മേനോൻറെയും സിമ്പുവിന്റെയും കരിയറിലെ വിജയ ചിത്രങ്ങളിൽ മുന്നിൽ നിൽക്കുന്നതാണ്.

പിന്നീട് 2016 ൽ 'അച്ചം യെൻപത് മദമയെടാ' എന്ന ചിത്രവും ഈ കൂട്ടുകെട്ടിൽ പുറത്തെത്തിയെങ്കിലും വിണ്ണൈത്താണ്ടി വരുവായായുടെ വിജയം നേടാനായില്ല. മലയാളി താരം മഞ്ജിമ മോഹനായിരുന്നു ചിത്രത്തിൽ നായികയായെത്തിയത്.

ഈ ലോക്ഡൗൺ കാലത്ത് 'വിണ്ണൈതാണ്ടി വരുവായ' ജോഡികളെ കേന്ദ്ര കഥാപാത്രങ്ങളാക്കി ഗൗതം മേനോൻ ഒരുക്കിയ 'കാർത്തിക് ഡയൽ സെയ്താ യേൻ' എന്ന ഹ്രസ്വ ചിത്രവും ഏറെ ശ്രദ്ധ നേടിയിരുന്നു

content highlights : Simbu Gautham Menon A R Rahman New Movie Vendhu Thaninthathu Kaadu

Content Highlights: