ഷൈന് ടോം ചാക്കോ ലഹരി വിമുക്ത കേന്ദ്രത്തിലേക്ക്; ചികിത്സയ്ക്ക് എക്സൈസിന്റെ മേല്നോട്ടം
ആലപ്പുഴ: നടന് ഷൈന് ടോം ചാക്കോയെ ലഹരി വിമുക്ത കേന്ദ്രത്തിലേക്ക് മാറ്റാന് തീരുമാനമായി. സ്ഥിരമായി ലഹരി ഉപയോഗിക്കുന്നുണ്ടെന്നും ലഹരിയില് നിന്നും തനിക്ക് മോചനം വേണമെന്നും നടന് തുറന്നുപറഞ്ഞതിന്റെ അടിസ്ഥാനത്തിലാണ് ലഹരി വിമുക്തകേന്ദ്രത്തിലേക്ക് മാറ്റാന് തീരുമാനമായത്.
ഹൈബ്രിഡ് കഞ്ചാവ് കേസില് പിടിക്കപ്പെട്ട ഷൈന് ടോം ചാക്കോയെ വിശദമായി ചോദ്യം ചെയ്തപ്പോഴാണ് നടന് രാസലഹരിയുള്പ്പെടെയുള്ള വസ്തുക്കള് ഉപയോഗിക്കുന്നതിനെക്കുറിച്ച് പോലീസിനോട് സമ്മതിച്ചത്.
എക്സൈസ് വകുപ്പിന്റെ മേല്നോട്ടത്തിലായിരിക്കും നടന് ലഹരി വിമുക്തി ചികിത്സ നല്കുക. സര്ക്കാറിന്റെ വിമുക്തി പദ്ധതിയുടെ ഭാഗമായി ഷൈനിനെ ഉടന് തന്നെ ചികിത്സാകേന്ദ്രത്തിലേക്ക് മാറ്റും.
Content Highlights: shine tom chacko- deaddiction center-vimukthi center- synthetic drugs - excise department