പുതുമുഖങ്ങളുമായി സെന്ന ഹെഗ്ഡെ വീണ്ടും; 'കൊല' ടൈറ്റിൽ പോസ്റ്റർ പുറത്ത്

'വാഴ 2' സൂപ്പർ ഹിറ്റ് ചിത്രത്തിനു ശേഷം ഇമാജിൻ സിനിമാസിന്റെ ബാനറിൽ ഹാരിസ് ദേശം, പി.ബി. അനീഷ് എന്നിവർ ചേർന്ന് നിർമിക്കുന്ന 'കൊല' എന്ന ചിത്രത്തിന്റെ ടൈറ്റിൽ പോസ്റ്റർ റിലീസായി. 'അവിഹിതം' എന്ന ചിത്രത്തിനു ശേഷം സെന്ന ഹെഗ്ഡെ സംവിധാനം ചെയ്യുന്ന ചിത്രത്തിൽ പ്രധാനമായും പുതുമുഖങ്ങളാണ് അഭിനയിക്കുന്നത്.
സൗഹൃദങ്ങളെക്കുറിച്ചും കുടുംബ ബന്ധങ്ങളെക്കുറിച്ചും പറയുന്ന ചിത്രം നമുക്ക് ചുറ്റും നടക്കുന്ന ചെറിയ കാര്യങ്ങളെ ലളിതവും മനോഹരവുമായി അവതരിപ്പിക്കും. ഏത് പ്രദേശത്തും സംഭവിക്കാവുന്ന തരത്തിലുള്ള കഥയാണ് ചിത്രത്തിന്റേത്. യുവതാരങ്ങളുടെയും പുതുമുഖ പ്രതിഭകളുടെയും മികച്ച നിരയെത്തന്നെ 'കൊല'യിൽ അണിനിരത്തുന്നു. പി.ആർ.ഒ: എ.എസ്. ദിനേശ്.
Content Highlights: Director Senna Hegde announces his next directorial venture titled 'Kola'. The film features a fresh cast of newcomers and young talents. Produced by Harris Desom and P.B. Aneesh under the banner of Imagine Cinemas. The plot revolves around friendships, family bonds, and everyday relatable incidents.