ഗുണ്ട ജയനല്ല, വെറും ജയൻ ; ഉപചാരപൂർവം ഗുണ്ട ജയൻ ട്രെയിലർ

സൈജു കുറുപ്പ് നായകനാവുന്ന ഉപചാരപൂർവം ​ഗുണ്ട ജയന്റെ ട്രെയിലർ പുറത്തിറങ്ങി. ഒരു വിവാഹവീട്ടിൽ നടക്കുന്ന സംഭവങ്ങളും കഥാപാത്രങ്ങളുമാണ് ട്രെയിലറിലുള്ളത്. അരുൺ വൈ​ഗ കഥയെഴുതി സംവിധാനം ചെയ്യുന്ന ചിത്രത്തിന് രാജേഷ് വർമയാണ് തിരക്കഥയൊരുക്കിയിരിക്കുന്നത്.

വൻതാരനിരയാണ് ചിത്രത്തിൽ അണിനിരക്കുന്നത്. സിജു വിൽസൺ, ശബരീഷ് വർമ, സാബു, ജോണി ആന്റണി തുടങ്ങിയവരാണ് പ്രധാന അഭിനേതാക്കൾ. ബിജിബാലാണ് സം​ഗീതസംവിധാനം. ഹരിനാരായണൻ വരികളെഴുതിയിരിക്കുന്നു. എൽദോ ഐസക് ക്യാമറയും കിരൺ ദാസ് എഡിറ്റിങ്ങും നിർവഹിച്ചിരിക്കുന്നു. പി.ആർ.ഓ - വാഴൂർ ജോസ്, ആതിര ദിൽജിത്ത്.

ദുൽഖർ സൽമാന്റെ വേ ഫെയറർ ഫിലിംസും സെബാബ് ആനിക്കാടും ചേർന്നാണ് നിർമാണം. ഈ മാസം 25-ന് ചിത്രം തിയേറ്ററുകളിലെത്തും.

Content Highlights: Upacharapoorvam Gunda Jayan movie trailer released