പൃഥ്വിരാജും മഞ്ജു വാര്യരും ഒന്നിക്കുന്ന രാഹുൽ സദാശിവൻ ചിത്രം; 'ഒടിയൻ: ദി ഏജ് ഓഫ് ഇല്യൂഷൻ' തുടങ്ങി

ധർമ പ്രൊഡക്ഷൻസും പൃഥ്വിരാജ് പ്രൊഡക്ഷൻസും ആദ്യമായി ഒന്നിക്കുന്ന ബിഗ് ബജറ്റ് ചിത്രം 'ഒടിയൻ: ദി ഏജ് ഓഫ് ഇല്ല്യൂഷൻ' പൂജാച്ചടങ്ങുകളോടെ തുടക്കമായി. ഇടപ്പള്ളി അഞ്ചുമന ക്ഷേത്രത്തിൽ നടന്ന ചടങ്ങിൽ സംവിധായകൻ രാഹുൽ സദാശിവൻ സ്വിച്ച് ഓൺ നിർവഹിച്ചു. കേന്ദ്ര കഥാപാത്രങ്ങളെ അവതരിപ്പിക്കുന്ന പൃഥ്വിരാജ് സുകുമാരൻ, മഞ്ജു വാര്യർ, നിർമാതാവ് സുപ്രിയ മേനോൻ എന്നിവർ ചേർന്നാണ് ആദ്യ ക്ലാപ്പ് അടിച്ചത്.

'ഭൂതകാലം', 'ഭ്രമയുഗം', 'ഡീയസ് ഈറെ' എന്നീ ചിത്രങ്ങളിലൂടെ മലയാള സിനിമയിൽ ഏറേ ശ്രദ്ധേയനായ രാഹുൽ സദാശിവനാണ് ചിത്രം സംവിധാനം ചെയ്യുന്നത്. കഴിഞ്ഞ ദിവസം പുറത്തുവന്ന ചിത്രത്തിന്റെ ടൈറ്റിൽ പോസ്റ്റർ സോഷ്യൽ മീഡിയയിൽ വലിയ തരംഗമായിരുന്നു. സത്യവും മിഥ്യയും തമ്മിലുള്ള പോരാട്ടത്തിന്റെ കഥ പറയുന്ന ചിത്രം മിസ്റ്ററി ത്രില്ലറായാണ് ഒരുങ്ങുന്നത്.

കരൺ ജോഹർ, അദാർ പൂനവാല, അപൂർവ മേത്ത, സുപ്രിയ മേനോൻ എന്നിവർ ചേർന്നാണ് ചിത്രം നിർമിക്കുന്നത്. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായി പാൻ- ഇന്ത്യൻ തലത്തിലാണ് ചിത്രം പ്രേക്ഷകരിലേക്ക് എത്തുന്നത്. ചിത്രീകരണം ഉടൻ ആരംഭിക്കും.

എക്‌സിക്യൂട്ടീവ് പ്രൊഡ്യൂസർ: ഹാരീസ് ദേശം, പി.ആർ.ഒ: എ.എസ്. ദിനേശ്.

Content Highlights: The big-budget movie 'Odiyan: The Age of Illusion', starring Prithviraj Sukumaran and Manju Warrier, officially launched with a puja ceremony. The mystery thriller is directed by Rahul Sadasivan, known for films like 'Bhoothakalam' and 'Bramayugam'. The film marks a major collaboration produced jointly by Karan Johar, Adar Poonawalla, Apoorva Mehta, and Supriya Menon. Prithviraj Sukumaran, Manju Warrier, and Supriya Menon jointly gave the first clap, while Rahul Sadasivan performed the switch-on. Planned as a pan-Indian release, the movie will be dubbed in Malayalam, Tamil, Telugu, Kannada, and Hindi.