ശക്തമായ ശിശുദിനസന്ദേശ വീഡിയോയുമായി നിവിന്‍ പോളി

ദേശീയ ശിശുദിനത്തോടനുബന്ധിച്ച്, കുട്ടികളുടെ സുരക്ഷയെക്കുറിച്ചുള്ള ശക്തമായ പൊതുസേവനപ്രഖ്യാപനം ഇന്‍സ്റ്റാഗ്രാമില്‍ വീണ്ടും പങ്കുവെച്ച് നിവിന്‍ പോളി. 2017 ഏപ്രിലില്‍ പുറത്തിറങ്ങിയ വീഡിയോ, 'നല്ല സ്പര്‍ശനവും മോശം സ്പര്‍ശനവും' എന്ന സെന്‍സിറ്റീവ് വിഷയത്തെ അഭിസംബോധന ചെയ്യുന്ന ഒന്നാണ്. ഇന്നത്തെ സാമൂഹിക സാഹചര്യത്തില്‍ വളരെ പ്രസക്തമായ ഒന്ന് കൂടിയാണിത്.

ജൂഡ് ആന്റണി ജോസഫ് സംവിധാനംചെയ്ത ഹ്രസ്വചിത്രം, ബോധിനി എന്ന എന്‍ജിഒയും കേരള സ്റ്റേറ്റ് കമ്മീഷന്‍ ഫോര്‍ പ്രൊട്ടക്ഷന്‍ ഓഫ് ചൈല്‍ഡ് റൈറ്റ്‌സും സഹകരിച്ചാണ് നിര്‍മിച്ചിരിക്കുന്നത്. സുരക്ഷിതമല്ലാത്ത സാഹചര്യങ്ങള്‍ തിരിച്ചറിയാനും അവയില്‍നിന്ന് രക്ഷപ്പെടാനും വിശ്വസ്തനായ ഒരു മുതിര്‍ന്ന വ്യക്തിയോട് കാര്യങ്ങള്‍ തുറന്നു പറയാനും കുട്ടികളെ പ്രാപ്തരാക്കുന്ന, 'NO , GO, Tell' എന്ന ആശയം പങ്കുവെക്കുന്നതാണ് ഹ്രസ്വചിത്രം. ദുരിതത്തിലായ കുട്ടികള്‍ക്ക് സഹായം നല്‍കുന്ന പ്രധാന ഇടമായ ചൈല്‍ഡ്ലൈന്‍ ഹെല്‍പ്പ്ലൈന്റെ നമ്പര്‍ ആയ 1098 വീഡിയോയില്‍ ഏറ്റവും പ്രാധാന്യത്തോടെ ഉള്‍പ്പെടുത്തിയിട്ടുണ്ട്.

Content Highlights: Nivin Pauly shares a vital public service announcement on child safety and `good touch, bad touch` for National Children`s Day