ഷാങ്ഹായ് ചലച്ചിത്രോത്സവത്തിൽ മികച്ച നടിയായി മീനാക്ഷി ജയൻ; പുരസ്കാരം വിക്ടോറിയയിലെ പ്രകടനത്തിന്

27-ാമത് ഷാങ്ഹായ് അന്താരാഷ്ട്ര ചലച്ചിത്രോത്സവത്തിലെ ഏഷ്യൻ ന്യൂ ടാലൻ്റ് വിഭാഗത്തിൽ മികച്ച നടിക്കുള്ള പുരസ്കാരം സ്വന്തമാക്കി മലയാളിയായ മീനാക്ഷി ജയൻ. വിക്ടോറിയ എന്ന മലയാള ചലച്ചിത്രത്തിലെ അഭിനയമാണ് മീനാക്ഷിയെ പുരസ്കാരത്തിന് അർഹയാക്കിയത്. ഈ വർഷത്തെ ചലച്ചിത്രോത്സവത്തിൽ മത്സര വിഭാഗത്തിലേക്ക് തിരഞ്ഞെടുക്കപ്പെട്ട ഏക ഇന്ത്യൻ സിനിമ കൂടിയായിരുന്ന വിക്ടോറിയ.

അ‌ങ്കമാലി പശ്ചാത്തലമാക്കി ബ്യൂട്ടീഷനായ വിക്ടോറിയ എന്ന പെൺകുട്ടിയുടെ കഥയാണ് ശിവരഞ്ജിനി ജെ. സംവിധാനം ചെയ്ത വിക്ടോറിയ പറയുന്നത്. ചിത്രത്തിന്റെ രചനയും എഡിറ്റിങ്ങും നിർവഹിച്ചിരിക്കുന്നതും ശിവരഞ്ജിനി തന്നെയാണ്. ഒരു തൊഴിൽദിവസത്തിൽ വിക്ടോറിയ കടന്നുപോകുന്ന സംഘർഷങ്ങൾ അ‌വതരിപ്പിക്കുന്ന ചിത്രം കേരള രാജ്യാന്തര ചലച്ചിത്രമേളയിലും വലിയ രീതിയിൽ സ്വീകരിക്കപ്പെട്ടിരുന്നു. മീനാക്ഷി ജയന്റെ അഭിനയത്തേയും അന്ന് പ്രേക്ഷകർ പ്രശംസിച്ചു. 

Content Highlights: Malayali actress Meenakshi Jayan won Best Actress at the Shanghai International Film Festival