'മാഗ്നെറ്റിക് കണ്ണാണേ കോർണറ്റ് പോൽ സ്വീറ്റാണേ...'; മനം കവരും മെലഡിയുമായി 'മഹാരാജാ ഹോസ്റ്റൽ'

സോഷ്യൽ മീഡിയ ലോകത്തെ വൈറൽ താരങ്ങളായ അഖിൽ എൻ.ആർ.ഡി., അഖിൽ ഷാ, ശരത്ത്, സന്ദീപ് എന്നിവർ ഒന്നിക്കുന്ന ഹൊറർ കോമഡി ചിത്രം 'മഹാരാജാ ഹോസ്റ്റൽ' സിനിമയിലെ ആദ്യ ലിറിക്കൽ വീഡിയോ ഗാനം പുറത്തിറങ്ങി. 'മാഗ്നെറ്റിക് കണ്ണാണേ കോർണറ്റ് പോൽ സ്വീറ്റാണേ...' എന്നു തുടങ്ങുന്ന ഗാനത്തിന്‍റെ ഏറെ വ്യത്യസ്തമായ വരികൾ എഴുതിയിരിക്കുന്നത് ജിഷ്ണു എം. നായരും സംഗീതമൊരുക്കിയിരിക്കുന്നത് അശ്വിൻ റാമുമാണ്. അയ്റാനും അശ്വിൻ റാമും ചേർന്നാണ് ഗാനം ആലപിച്ചിരിക്കുന്നത്.

ഏവരുടേയും മനംനിറയ്ക്കുന്നൊരു മെലഡിയായി സോഷ്യൽ മീഡിയയിൽ ഏവരും ഗാനത്തെ ഏറ്റെടുത്തുകഴിഞ്ഞു. ചിത്ര നായർ, സജിൻ ചെറുകയിൽ, ആൻ മരിയ എന്നിവരാണ് ചിത്രത്തിലെ മറ്റ് പ്രധാന താരങ്ങളായെത്തുന്നത്. നഗരത്തിൽ കെ.എസ്.ആർ.ടി.സി. സൗത്തിനേക്കാൾ ചീപ്പായ ഒരു ഹോസ്റ്റലിന്‍റെയും അവിടുത്തെ എം.ജി.ആർ. എന്ന ഹോസ്റ്റൽ വാർഡന്റേയും അവിടെ താമസിക്കാനെത്തുന്ന സുഹൃത്തുക്കളുടേയും സംഭവബഹുലമായ കഥയാണ് ചിത്രം പറയുന്നത്. ഹൊററും കോമഡിയും ചേർത്തുവെച്ച ചിത്രം ഏവരേയും ആവോളം ചിരിപ്പിച്ച് പേടിപ്പിക്കുമെന്ന് അടുത്തിടെ പുറത്തിറങ്ങിയിരുന്ന ടീസർ സൂചന നൽകിയിരുന്നു. 

ചാരുചിത്ര പ്രൊഡക്ഷൻസ് & മധുമിത പ്രൊഡക്ഷൻസ് എന്നീ ബാനറുകളിൽ കരുമുരു രഘുരാമു, ചാർവാക ബ്രഹ്മണപ്പള്ളി എന്നിവർ ചേർന്നാണ് സിനിമയുടെ നിർമ്മാണം നിർവഹിച്ചിരിക്കുന്നത്. രചന, സംവിധാനം: ചാരു വാക്കൻ, ഛായാഗ്രഹണം & എക്സിക്യൂട്ടീവ് പ്രൊഡ്യൂസർ: അഷ്കർ, സംഗീതം: അശ്വിൻ റാം, എഡിറ്റിംഗ്: നിതീഷ് മിശ്ര, സംഭാഷണം: രാജ, ക്രിയേറ്റീവ് പ്രൊഡ്യൂസർ: ശാലിനി നമ്പു, ലൈൻ പ്രൊഡ്യൂസർ: വിജയ് പിഡാപ്പ, സന്ദീപ് മന്ത്രാല, മേക്കപ്പ്: റഷീദ് അഹമ്മദ്, ആർട്ട് ഡയറക്ടർ: വേലു വാഴയൂർ, അഡീഷണൽ സ്ക്രീൻ പ്ലേ: അഷ്കർ അലി, രാജ, അമാൻ മെഹർ, ഗാനരചന: ജിഷ്ണു എം. നായർ, ഹരിത ഹരിബാബു, കോസ്റ്റ്യൂം: സരിത സുഗീത്, പ്രൊജക്ട് ഡിസൈനർ: ശശി പൊതുവാൾ, സ്റ്റണ്ട്: അഷ്റഫ് ഗുരുക്കൾ, സൗണ്ട് ഡിസൈൻ ആൻഡ് ഫൈനൽ മിക്സ്: ഷൈജു എം., ചീഫ് അസ്സോസിയേറ്റ് ഡയറക്ടർ: ഡുഡു ദേവസി, സ്റ്റിൽസ്: കാഞ്ചൻ, ടൈറ്റിൽ പബ്ലിസിറ്റി ഡിസൈൻ: അജിൻ മേനക്കാത്ത്, സൂരജ് സൂരൻ, പി.ആർ.ഒ.: ആതിര ദിൽജിത്ത്.

Content Highlights: The first lyrical video song 'Magnetic Kannane' from the horror-comedy film 'Maharaja Hostel', starring social media sensations Akhil NRD, Akhil Shah, Sarath, and Sandeep, has been released and is gaining quick popularity online.