മലയാളത്തിലെ ആദ്യത്തെ 'ഡാൻസിങ് ഗോസ്റ്റ്സ്' ചിത്രം; പാട്ടും ഹൊററുമായി ‘കറക്കം’ വരുന്നു, ടീസർ എത്തി

ഹൊറർ ജോണറിൽ സംഗീതത്തിന്റെയും നർമത്തിന്റെയും അകമ്പടിയോടെ എത്തുന്ന കറക്കം എന്ന ചിത്രത്തിന്റെ ടീസർ പുറത്തിറങ്ങി. രസകരമായ ഒരു യാത്രയുടെ കഥപറയുന്ന ചിത്രമാണിത്. ഭൂതം, ഭാവി, വാർത്തമാനം എന്നിങ്ങനെ പോകുന്ന കഥയിൽ അവതരിപ്പിക്കുന്ന 'ഡാൻസിങ് ഗോസ്റ്റ്സ്' (dancing ghosts) എന്ന പ്രമേയം മലയാളത്തിൽ ഇതുവരെ പറഞ്ഞിട്ടില്ലാത്തതെന്ന് അണിയറപ്രവർത്തകൾ അവകാശപ്പെടുന്നു.

ക്രൗൺസ്റ്റാർസ് എന്റർടൈൻമെന്റിന്റെ ബാനറിൽ അങ്കുഷ് സിങ്, കിമ്പർളി ട്രിനിഡാഡ് എന്നിവർ ചേർന്ന് നിർമ്മിക്കുന്ന ചിത്രം സംവിധാനം ചെയ്യുന്നത് സുഭാഷ് ലളിത സുബ്രഹ്മണ്യനാണ്. നിപിൻ നാരായണൻ, സുഭാഷ് ലളിത സുബ്രഹ്മണ്യൻ, അർജുൻ നാരായണൻ എന്നിവർ ചേർന്ന് തിരക്കഥയൊരുക്കുന്ന ഈ ചിത്രത്തിന് തെന്നിന്ത്യൻ ഹിറ്റ് മേക്കർ സാം സി.എസ്. സംഗീതം പകരുന്നു

ശ്രീനാഥ് ഭാസി, ഫെമിന ജോർജ്,അഭിറാം രാധാകൃഷ്ണൻ, സിദ്ധാർഥ് ഭരതൻ, ജീൻ പോൾ ലാൽ, പ്രവീൺ ടി.ജെ, മണികണ്ഠൻ ആചാരി, ബിജുക്കുട്ടൻ, മിഥൂട്ടി, ഷോൺ റോമി, ലെനാസ് ബിച്ചു, ശാലു റഹിം, വിനീത് തട്ടിൽ, മനോജ് മോസസ്, കെയിൻ സണ്ണി, ശ്രാവൺ, വിഷ്ണു രഘു തുടങ്ങിയവരാണ് താരങ്ങൾ. അൻവർ അലി, വിനായക് ശശികുമാർ, മുഹ്സിൻ പെരാരി, ഹരീഷ് മോഹനൻ, സു എന്നിവർ ഗാനരചന നിർവ്വഹിച്ചിരിക്കുന്നു. സാം സി.എസ് ആണ് സംഗീതം.

ഛായാഗ്രഹണം -ബബ്ലു അജു,എഡിറ്റർ-നിതിൻ ആരോൾ, കോസ്റ്റ്യൂംസ് -മെൽവി, മേക്കപ്പ് -ആർ.ജി വയനാടൻ, കോ ഡയറക്ടർ-ജിതിൻ സി.എസ്, സൗണ്ട് മിക്സിങ് -അരവിന്ദ് മേനോൻ, ആർട്ട്-രാജേഷ് പി. വേലായുധൻ, കഥ -ധനുഷ് വർഗീസ്, പ്രൊഡക്ഷൻ കൺട്രോളർ -റിന്നി ദിവാകർ, എക്‌സിക്യൂട്ടീവ് പ്രൊഡ്യൂസർ -പ്രശോഭ് വിജയൻ, ക്രിയേറ്റീവ് പ്രൊഡ്യൂസർ -മോഹിത് ചൗധരി, പ്രൊഡക്ഷൻ എക്സിക്യൂട്ടീവ് -വിനോഷ് കൈമൾ,

മാർക്കറ്റിംഗ് & കമ്മ്യൂണിക്കേഷൻ -ഡോ. സംഗീത ജനചന്ദ്രൻ, സ്റ്റിൽസ്- നിദാദ്, അഭിലാഷ് മുല്ലശ്ശേരി, സൗണ്ട് -സിങ്ക് സിനിമ, പോസ്റ്റർ ഡിസൈൻ -യെല്ലോ ടൂത്ത്സ്.

മലയാളത്തിലെ ആദ്യത്തെ മ്യൂസിക്കൽ ഹൊററായി അവതരിപ്പിക്കുന്ന 'കറക്കം' ഈ മാസം തന്നെ തിയേറ്ററുകളിലെത്തും. പിആർഒ-എ എസ് ദിനേശ്.

Content Highlights: First-ever Malayalam 'Dancing Ghosts' horror concept., Combines horror, music, and humor for a unique narrative experience., Directed by Subhash Lalitha Subramanian with music by Sam C.S., Features a stellar ensemble cast including Sreenath Bhasi and Femina George., Theatrical release scheduled for 2026.