'ഹാലി'ന് സെൻസർ സർട്ടിഫിക്കറ്റ് നിഷേധിച്ച സംഭവം: ഹർജിയിൽ വാദം തുടരും

കൊച്ചി: സെൻസർ സർട്ടിഫിക്കറ്റ് നിഷേധിച്ചതിനെതിരേ 'ഹാൽ' സിനിമയുടെ നിർമാതാവും സംവിധായകനും നൽകിയ ഹർജിയിൽ തിങ്കളാഴ്ച വാദം തുടരും. ജസ്റ്റിസ് വി.ജി. അരുണിന്റെ ബെഞ്ചാണ് വാദം കേൾക്കുന്നത്. കഴിഞ്ഞ ദിവസം കോടതി സിനിമ കണ്ടിരുന്നു.

സിനിമയുടെ നിർമാതാവ് ജൂബി തോമസും സംവിധായകൻ മുഹമ്മദ് റഫീഖും നൽകിയ ഹർജിയാണ് കോടതിയുടെ പരിഗണനയിലുള്ളത്.

ഷെയ്ൻ നിഗം നായകനായ സിനിമയുടെ ഇതിവൃത്തം മുസ്‌ലിം യുവാവും ക്രിസ്ത്യൻ യുവതിയും തമ്മിലുള്ള പ്രണയമാണ്. ഇതിലെ ബീഫ് ബിരിയാണി കഴിക്കുന്ന ദൃശ്യമടക്കം നീക്കണം, ക്രൈസ്തവ മത വികാരങ്ങളുമായി ബന്ധപ്പെട്ട ചില രംഗങ്ങളിൽ മാറ്റം വരുത്തണം, രാഖി ധരിച്ചുവരുന്ന ഭാഗങ്ങൾ അവ്യക്തമാക്കണം തുടങ്ങിയ നിർദേശങ്ങളാണ് സെൻസർ ബോർഡ് മുന്നോട്ടുവെച്ചത്.

Content Highlights: Kerala High Court to continue hearing the petition filed by Haal film producers challenging the denial of censor certificate. Watch the latest updates on the case.