ഗ്രാമി അവാര്‍ഡ്‌: പുരസ്കാരനിറവിൽ ടെയ്ലർ സ്വിഫ്റ്റും മെെലി സൈറസും, ഇന്ത്യയ്ക്കും നേട്ടം
ലോസ് ആഞ്ജലീസ്: സംഗീത ലോകത്തെ ജനപ്രിയ പുരസ്‌കാരമായ ഗ്രാമി അവാര്‍ഡ്‌സ് പ്രഖ്യാപിച്ചു. പോപ്പ് ഗായിക ടെയ്ലർ സ്വിഫ്റ്റിന്റെ 'മിഡ്‌നൈറ്റ്സ്' ആണ് മികച്ച പോപ്പ് വോക്കൽ ആൽബം. മികച്ച സോളോ പോപ്പ് പെർഫോമൻസിനുള്ള അവാർഡ് മെെലി സൈറസ് സ്വന്തമാക്കി. ബില്ലി എലിഷിനെയും ടെയിലർ സ്വിഫ്റ്റിനെയും പിന്നിലാക്കിക്കൊണ്ടാണ് മെെലിയുടെ നേട്ടം.
ഗ്രാമി അവാര്‍ഡ്‌സില്‍ ഇക്കുറി ഇന്ത്യയും തിളങ്ങി. മികച്ച ഗ്ലോബല്‍ മ്യൂസിക് ആല്‍ബത്തിനുള്ള പുരസ്കാരം ഫ്യൂഷന്‍ ബാന്‍ഡായ ശക്തി തയ്യാറാക്കിയ 'ദിസ് മൊമന്റ്' സ്വന്തമാക്കി. തബലിസ്റ്റ് ഉസ്താദ് സക്കീര്‍ ഹുസൈന്‍, ഗായകന്‍ ശങ്കര്‍ മഹാദേവന്‍, താളവാദ്യ വിദഗ്ധന്‍ വി സെല്‍വഗണേഷ്, വയലിനിസ്റ്റ് ഗണേഷ് രാജഗോപാലന്‍ എന്നിവര്‍ ചേര്‍ന്നാണ് 'ദിസ് മൊമന്റ്' യാഥാര്‍ഥ്യമാക്കിയത്.
2022 ഒക്ടോബർ ഒന്ന് മുതൽ 2023 സെപ്തംബർ 15 വരെയുള്ള പാട്ടുകളാണ് പുരസ്കാരങ്ങൾക്കായി മത്സരിക്കുന്നത്.
മികച്ച കൺട്രി ആൽബം- ബെൽ ബോട്ടം കൺട്രി (ലെയ്‌നി വിൽസൺ)
മികച്ച അർബൻ ആൽബം - മാനാനാ സെറ ബോണിട്ടോ (കരോൾ ജി)
സോങ് ഓഫ് ദി ഇയർ- 'വാട്ട് വാസ് ഐ മെയ്ഡ് ഫോർ' - ബാർബി (ബില്ലി എലിഷ്)
ഗാനരചയിതാവ് (നോൺ ക്ലാസിക്കൽ വിഭാഗം) - തെറോൺ തോമസ്
മികച്ച ഗാനം (റിഥം ആൻഡ് ബ്ലൂസ് വിഭാഗം)- സ്‌നൂസ്
പ്രോഗ്രസ്സീവ് സോങ്- എസ്‌ഒഎസ്
മികച്ച പെർഫോമൻസ് - ഐസിയു
മികച്ച ആഫ്രിക്കൻ മ്യൂസിക് പെർഫോമൻസ്- വാട്ടർ (ടെയ്ല)
മികച്ച കോമഡി ആൽബം - വാട്ട്സ് ഇൻ എ നെയിം (ഡേവ് ചാപ്പൽ)
മികച്ച റോക്ക് പെർഫോമൻസ് - നോട്ട് സ്ട്രോങ് (ബോയ് ജീനിയസ്)
മികച്ച റോക്ക് സോങ് - നോട്ട് സ്ട്രോങ് ഇനഫ്
മികച്ച് റോക്ക് ആൽബം - ദിസ് ഈസ് വെെ
Content Highlights: grammy 2024 announced taylor swift