കുതിപ്പ് തുടർന്ന് ദുൽഖർ സൽമാൻ ചിത്രം 'ഐ ആം ഗെയിം'; സക്സസ് ടീസർ പുറത്ത്
ദുൽഖർ സൽമാനെ നായകനാക്കി നഹാസ് ഹിദായത്ത് സംവിധാനം ചെയ്ത ബിഗ് ബഡ്ജറ്റ് ഫാന്റസി ത്രില്ലർ ഐ ആം ഗെയിമിന്റെ സക്സസ് ടീസർ പുറത്ത്.ബോക്സ് ഓഫീസിൽ ബ്ലോക്ക്ബസ്റ്റർ തുടക്കം നേടിയ ചിത്രം ഇതിനോടകം മികച്ച ആഗോള കളക്ഷനാണ് നേടിയെടുത്തത് എന്നാണ് റിപ്പോർട്ടുകൾ പറയുന്നത്. കേരളത്തിലും പുറത്തും ഗംഭീരപ്രേക്ഷക പ്രതികരണം നേടുന്ന ചിത്രം ബോക്സ് ഓഫീസിൽ തകർപ്പൻ പ്രകടനമാണ് നടത്തുന്നത്.
വേഫെറർ ഫിലിംസിന്റെ ബാനറിൽ ദുൽഖർ സൽമാനും ജോം വർഗീസും ചേർന്നാണ് ചിത്രം നിർമിച്ചത്. സജീർ ബാബ, ഇസ്മായിൽ അബൂബക്കർ, ബിലാൽ മൊയ്ദു എന്നിവർ ചേർന്നാണ് ചിത്രത്തിന് തിരക്കഥ ഒരുക്കിയത്. സജീർ ബാബ, ആദർശ് സുകുമാരൻ, ഷബാസ് റഷീദ് എന്നിവരുടെതാണ് സംഭാഷണം.
കേരളത്തിൽ സെപ്റ്റംബർ മൂന്നിന് ആദ്യ ഷോ കഴിഞ്ഞപ്പോൾ മുതൽ വമ്പൻ പ്രതികരണം ലഭിച്ച ചിത്രം നിറഞ്ഞ സദസ്സുകളിലാണ് പ്രദർശിപ്പിക്കുന്നത്. തന്റെ കരിയറിലെ ഏറ്റവും മികച്ച പ്രകടനങ്ങളിലൊന്ന് സമ്മാനിച്ച ദുൽഖർ സൽമാൻ ആണ് ചിത്രത്തിന്റെ ഹൈലൈറ്റ് ആയി മാറിയത്. ആക്ഷൻ, പ്രണയം, വൈകാരിക രംഗങ്ങൾ എന്നിവയിലെല്ലാം തകർപ്പൻ പ്രകടനമാണ് ദുൽഖർ സൽമാൻ നടത്തിയത്. ഡാൻ എന്ന് പേരുള്ള, കരിയറിലെ ഏറ്റവും സ്റ്റൈലിഷ് ആയ കഥാപാത്രത്തെയാണ് ദുൽഖർ അവതരിപ്പിച്ചു കൈയടി നേടുന്നത്. ഫാന്റസി, ആക്ഷൻ, ത്രില്ലർ ഘടകങ്ങൾ കോർത്തിണക്കി ഒരുക്കിയ ചിത്രം യുവാക്കളും കുട്ടികളും കുടുംബ പ്രേക്ഷകരുമടക്കം എല്ലാത്തരം പ്രേക്ഷകരെയും ഒരുപോലെ ആകർഷിക്കുന്ന ത്രസിപ്പിക്കുന്ന തിയേറ്റർ അനുഭവമാണ് നൽകുന്നത്.
ആദ്യം മുതൽ അവസാനം വരെ പ്രേക്ഷകർക്ക് ആവേശം സമ്മാനിക്കുന്ന ചിത്രം ആരാധകർക്ക് കൈയടിക്കാനും ആഘോഷിക്കാനുമുള്ള മുഹൂർത്തങ്ങൾ നിറഞ്ഞ പക്കാ ഫാന്റസി ആക്ഷൻ എന്റർടെയ്നറാണ്. ജേക്സ് ബിജോയ് ഒരുക്കിയ ഗാനങ്ങളും പശ്ചാത്തല സംഗീതവും, ജിംഷി ഖാലിദ് ഒരുക്കിയ ദൃശ്യങ്ങൾ, അൻപറിവ് മാസ്റ്റേഴ്സ് ഒരുക്കിയ സംഘട്ടന രംഗങ്ങൾ എന്നിവരും ചിത്രത്തെ ഗംഭീരമാക്കുന്നതിൽ മുഖ്യപങ്ക് വഹിച്ചിട്ടുണ്ട്. നഹാസ് ഹിദായത്തിന്റ ഗംഭീര മേക്കിങ് ആണ് ചിത്രത്തെ തകർപ്പൻ എന്റർടെയ്നർ ആക്കുന്നത്. ചിത്രത്തിലെ മറ്റു നിർണ്ണായക വേഷങ്ങൾ ചെയ്ത ആന്റണി വർഗീസ്, മിഷ്കിൻ, കതിർ, കയാദു ലോഹർ, പാർഥ് തിവാരി, സംയുക്ത വിശ്വനാഥൻ, വിനയ് ഫോർട്ട് തുടങ്ങിയവരും പ്രേക്ഷകരുടെ കൈയടി നേടുന്നുണ്ട്.
ബുക്ക് മൈ ഷോ ട്രെൻഡിലും മികച്ച കുതിപ്പ് നിലനിർത്തുന്ന ചിത്രം ദുൽഖർ സൽമാന്റെ കരിയറിലെ വലിയ വിജയങ്ങളിൽ ഒന്നാവാനുള്ള കുതിപ്പ് തുടരുകയാണ്. ദുൽഖർ സൽമാന്റെ 40-ാമത്തെ ചിത്രമായ 'ഐ ആം ഗെയിം' മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായി പാൻ- ഇന്ത്യൻ റിലീസായാണ് എത്തിയിരിക്കുന്നത്.
ലൈൻ പ്രൊഡ്യൂസർ: ബിബിൻ പെരുമ്പിള്ളി, ഛായാഗ്രഹണം: ജിംഷി ഖാലിദ്, സംഗീതം: ജേക്സ് ബിജോയ്, എഡിറ്റിങ്: ചമൻ ചാക്കോ, ആക്ഷൻ: അൻപറിവ് മാസ്റ്റേഴ്സ്, പ്രൊഡക്ഷൻ ഹെഡ്: സുജയ് ജെയിംസ്, ദേവദേവൻ, പ്രൊഡക്ഷൻ ഡിസൈനർ: അജയൻ ചാലിശ്ശേരി, മേക്കപ്പ്: റോണക്സ് സേവ്യർ, കോസ്റ്റ്യൂം: മഷർ ഹംസ, പ്രൊഡക്ഷൻ കൺട്രോളർ: ദീപക് പരമേശ്വരൻ, അസോസിയേറ്റ് ഡയറക്ടർ: രോഹിത് ചന്ദ്രശേഖർ, ഗാനരചന: മനു മഞ്ജിത്ത്, വിനായക് ശശികുമാർ, വി.എഫ്.എക്സ്: തൗഫീഖ് (എഗ്വൈറ്റ്), പോസ്റ്റർ ഡിസൈൻ: ടെൻ പോയിന്റ്, സൗണ്ട് ഡിസൈൻ: സിങ്ക് സിനിമ, സൗണ്ട് മിക്സ്: കണ്ണൻ ഗണപത്, സ്റ്റിൽസ്: എസ്.ബി.കെ, മാർക്കറ്റിങ് ഹെഡ്: വിജിത് വിശ്വനാഥൻ, പി.ആർ.ഒ: ശബരി.
Content Highlights: The official success teaser for Dulquer Salmaan's fantasy action thriller 'I Am Game' has been released. Directed by Nahas Hidhayath and produced by Wayfarer Films, the film opened to strong box office collections. Released on September 3 in five languages, the movie marks Dulquer Salmaan's 40th film appearance. The film features music by Jakes Bejoy, cinematography by Jimshi Khalid, and action choreography by Anbariv Masters. The ensemble cast includes Antony Varghese, Mysskin, Kathir, Kayadu Lohar, and Vinay Forrt in key roles.