'മന്ത്രത്തിലൊന്നും ഓന്റെ അസുഖം മാറൂല'; ജിന്നുമായി സിദ്ധാർത്ഥ് ഭരതനും സൗബിനും

നീണ്ട ഇടവേളയ്ക്ക് ശേഷം സിദ്ധാർത്ഥ് ഭരതൻ സംവിധാനം ചെയ്യുന്ന ജിന്ന് എന്ന ചിത്രത്തിന്റെ ടീസർ പുറത്തിറങ്ങി. അത്യന്തം ദുരൂഹതയുണർത്തുന്ന രം​ഗങ്ങളാണ് ടീസറിൽ.

സൗബിൻ ഷാഹിറാണ് നായകവേഷത്തിൽ. ശാന്തി ബാലചന്ദ്രനാണ് നായിക. . പലഭാവത്തിലും രൂപത്തിലുമുള്ള നായകനെ ടീസറിൽ കാണാം. ഷറഫുദ്ദീൻ, ഷൈൻ ടോം ചാക്കോ, സാബുമോൻ, കെ.പി.എ.സി ലളിത, ലിയോണ ലിഷോയ്, ജാഫർ ഇടുക്കി, നിഷാന്ത് സാ​ഗർ, ജിലു ജോസഫ് എന്നിവരാണ് മറ്റ് അഭിനേതാക്കൾ.

പ്രശാന്ത് പിള്ളയാണ് സം​ഗീത സംവിധാനം.  രാജേഷ് ​ഗോപിനാഥന്റേതാണ് തിരക്കഥയും സംഭാഷണവും. ​ഗിരീഷ് ​ഗം​ഗാധരനാണ് ക്യാമറ. ദീപു ജോസഫ് എഡിറ്റിങ്ങും ​ഗോകുൽദാസ്, അഖിൽരാജ് ചിറയിൽ എന്നിവർ കലാസംവിധാനവും നിർവഹിക്കുന്നു. മാഫിയ ശശിയും ജോളി ബാസ്റ്റിനുമാണ് സംഘട്ടന സംവിധായകർ.

കോസ്റ്റ്യൂം-  മഷർ ഹംസ. സൗണ്ട് ഡിസൈൻ- വിക്കി, കിഷൻ. ഓഡിയോഗ്രാഫി എം ആർ രാജകൃഷ്ണൻ. പ്രൊഡക്ഷൻ കൺട്രോളർ- മനോജ് കാരന്തൂർ. സ്റ്റിൽസ്- രോഹിത് കെ സുരേഷ്. പി ആർ ഓ മഞ്ജു ഗോപിനാഥ്. ടൈറ്റിൽ ഡിസൈൻ- ഉണ്ണി സെറോ. ഡിസൈന്‍സ്- ഓള്‍ഡ് മങ്ക്സ്.

 സ്ട്രെയ്റ്റ്ലൈൻ സിനിമയുടെ ബാനറിൽ സുധീർ വി.കെ, മനു വലിയവീട്ടിൽ എന്നിവർ ചേർന്നാണ് ചിത്രം നിർമിക്കുന്നത്.

Content Highlights: djinn, soubin shahir sidharth bharathan movie, djinn teaser released