രണ്ട് മില്യൺ കാഴ്ചക്കാരുമായി ‘ഡർബി’ ട്രെയ്ലർ ട്രെൻഡിങ്ങിൽ; മാർച്ച് 27-ന് ചിത്രം തിയേറ്ററുകളിൽ

സജിൽ മമ്പാട് സംവിധാനം ചെയ്യുന്ന 'ഡർബി'യുടെ ട്രെയ്‌ലർ യൂട്യൂബിൽ ട്രെൻഡിങ് ലിസ്റ്റിൽ മുന്നിൽ. ട്രെൻഡിങ് ലിസ്റ്റിൽ ആദ്യഅഞ്ചിൽ ഇടം നേടിയ ട്രെയ്‌ലർ രണ്ടുമില്യൺ കാഴ്ചക്കാരും പിന്നിട്ട് സാമൂഹികമാധ്യമങ്ങളിൽ തരംഗം സൃഷ്ടിക്കുകയാണ്. സെൻസർ കഴിഞ്ഞ 'ഡർബി'ക്ക് യു/ എ സർട്ടിഫിക്കറ്റാണ് ലഭിച്ചത്. ക്യാമ്പസ് പശ്ചാത്തലത്തിൽ ഒരുങ്ങുന്ന 'ഡർബി' ഇന്നത്തെ യുവത്വത്തിന്റെ തുടിപ്പും പ്രസരിപ്പും പ്രണയം, ആക്ഷൻ, ഇമോഷൻ, ഫൺ എന്നിവ ചേർത്ത് അവതരിപ്പിക്കുന്ന കളർഫുൾ കംപ്ലീറ്റ് എന്റർടെയ്‌നറായാണ് ഒരുക്കിയിരിക്കുന്നത്. മാർച്ച് 27-ന് ലോകവ്യാപകമായി തിയേറ്ററുകളിലേക്കെത്തുന്ന 'ഡർബി'യുടെ ടീസറിനും 'റങ്ക് തെളിന്ദവളല്ലേ...' ഗാനത്തിനും ടൂർഗാനത്തിനും പുറമേയാണ് ട്രെയ്ലറും സോഷ്യൽ മീഡിയയിൽ ട്രെൻഡിങ് ലിസ്റ്റിൽ ഇടം നേടിയത്.

ഡിമാൻസ് ഫിലിം ഫാക്ടറിയുടെ ബാനറിൽ മൻസൂർ അബ്ദുൽ റസാഖാണ് 'ഡർബി'യുടെ നിർമാണം നിർവഹിക്കുന്നത്. ആദം സാബിക്ക്, സാഗർ സൂര്യ, അമീൻ, ഹരി ശിവറാം, റിഷ് എൻ.കെ, അനു, ജസ്നിയ ജയദീഷ്, ശിവരാജ്, പ്രവീൺ, ആൻ മെർലറ്റ്, ഫ്രാങ്കോ ഫ്രാൻസിസ്, ഹിഫ്രാസ്, സുപർണ്ണ എസ്, ജോണി ആന്റണി, അബു സലിം, ശബരീഷ് വർമ, ദിവ്യ എം. നായർ, സന്തോഷ് കീഴാറ്റൂർ, പ്രദീപ് ബാലൻ, കൊല്ലം ഷാഫി, സിനോജ് വർഗീസ്, ആർ.ജെ. അന്തു, ഷിക്കു നസീർ, ഹബീബ് ഷാജഹാൻ, ഫാഹിസ് ബിൻ റിഫാഹി, മനൂപ് എലമ്പ്ര എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.

ഗോപി സുന്ദറാണ് സംഗീത സംവിധാനം നിർവഹിക്കുന്നത്. സ്‌ട്രൈറ്റ് ലൈൻ സിനിമാസാണ് ചിത്രം കേരളത്തിലെ തിയേറ്ററുകളിൽ വിതരണം ചെയ്യുന്നത്. ഫാർസ് ഫിലിംസാണ് ചിത്രത്തിന്റെ ജിസിസി രാജ്യങ്ങളിലെ വിതരണം നിർവ്വഹിക്കുന്നത്. മറ്റു വിദേശ രാജ്യങ്ങളിലെ വിതരണം ആർഎഫ്ടി എന്റർടെയ്ൻമെന്റ്‌സ് നിർവഹിക്കുന്നു. ചിത്രത്തിന്റെ മ്യൂസിക് റൈറ്റ്‌സ് മില്ലെനിയം ഓഡിയോസ് ആണ് സ്വന്തമാക്കിയത്.

ഡിഒപി: അഭിനന്ദൻ രാമനുജം, തിരക്കഥ: സഹ്റു സുഹ്‌റ, അമീർ സുഹൈൽ, എഡിറ്റിങ്: ആർ. ജെറിൻ, സ്‌ക്രിപ്റ്റ് കൺസൾട്ടന്റ്: ഷർഫു, പ്രൊഡക്ഷൻ ഡിസൈനർ: അർഷാദ് നക്കോത്ത്, ആക്ഷൻ: തവസി രാജ്, എക്‌സിക്യൂട്ടീവ് പ്രൊഡ്യൂസർ: ജമാൽ വി. ബാപ്പു, കലാസംവിധാനം: അസീസ് കരുവാരക്കുണ്ട്, പ്രൊഡക്ഷൻ കൺട്രോളർ: നജീർ നസീം, മേക്കപ്പ്: റഷീദ് അഹമ്മദ്, കോസ്റ്റ്യൂം ഡിസൈനർ: നിസ്സാർ റഹ്‌മത്ത്, ചീഫ് അസോസിയേറ്റ് ഡയറക്ടർ: രജിൽ കെയ്സി, കൊറിയോഗ്രാഫി: റിഷ്ധാൻ അബ്ദുൽ റഷീദ്, സൗണ്ട് ഡിസൈൻ: കിഷൻ മോഹൻ, സൗണ്ട് മിക്‌സ്: എം.ആർ. രാജകൃഷ്ണൻ, സ്റ്റിൽസ്: എസ്.ബി.കെ. ഷുഹൈബ്, കെ.കെ. അമീൻ, സ്റ്റുഡിയോ: സപ്താ റെക്കോർഡ്‌സ്, ഡിഐ: സപ്താ വിഷൻ, കളറിസ്റ്റ്: കെ.എസ്. രാജശേഖരൻ, പ്രൊഡക്ഷൻ എക്‌സിക്യൂട്ടീവ്: മെഹ്ബൂബ്, വി.എഫ്.എക്‌സ്: ഫോക്‌സ്ഡോട്ട് മീഡിയ, ടൈറ്റിൽ ഡിസൈൻ: കൃഷ്ണ പ്രസാദ് കെ.വി, പബ്ലിസിറ്റി ഡിസൈൻസ്: യെല്ലോ ടൂത്ത്സ്, പിആർഒ ആൻഡ് മാർക്കറ്റിങ് കൺസൾട്ടന്റ്: പ്രതീഷ് ശേഖർ.

Content Highlights: Trailer crossed 2 million views on YouTube, Confirmed theatrical release on March 27, Campus-based entertainer with action, romance, and comedy, Music composed by Gopi Sundar, U/A certification received