ദീപിക പദുക്കോണിനും കുടുംബത്തിനും കോവിഡ് സ്ഥിരീകരിച്ചു

ബോളിവുഡ് നടി ദീപിക പദുക്കോണിനും കുടുംബത്തിനും കോവിഡ് സ്ഥിരീകരിച്ചു. ദീപിക പദുകോണിന്റെ പിതാവും ബാഡ്മിന്റൺ താരവുമായ പ്രകാശ് പദുകോൺ, ഭാര്യ ഉജ്ജല, ഇളയ മകൾ അനിഷ എന്നിവർക്ക് നേരത്തെ കോവിഡ് സ്ഥിരീകരിച്ചിരുന്നു. ഇതിന് പിന്നാലെയാണ് ദീപികയ്ക്കും രോ​ഗം സ്ഥിരീകരിച്ചത്.  

കോവിഡ് ബാധിതനായ പ്രകാശ് പദുകോൺ ആശുപത്രിയിൽ ചികിത്സയിലാണ്. ഉജ്ജലയും അനിഷയും വീട്ടിൽ തന്നെയാണ് ക്വാറന്റൈനിൽ കഴിയുന്നത്.

പത്തു ദിവസം മുമ്പ് രോഗലക്ഷണങ്ങൾ കാണിച്ച് തുടങ്ങിയതോടെയാണ് താരകുടുംബം ചികിത്സ തേടുന്നത്. പിന്നീട് രോ​ഗം സ്ഥിരീകരിക്കുകയായിരുന്നു. ആശുപത്രിയിൽ ചികിത്സയിൽ കഴിയുന്ന പ്രകാശിന്റെ ആരോഗ്യാവസ്ഥ തൃപ്തികരമാണെന്ന് അദ്ദേഹത്തിന്റെ അടുത്ത സുഹൃത്ത് വ്യക്തമാക്കിയതായി പിറ്റിഐ റിപ്പോർട്ട് ചെയ്യുന്നു.

content highlights : Deepika Padukone and family Tests Positive for Covid, father Prakash Padukone Hospitalised

Content Highlights: