അരവിന്ദം ദേശീയ ഷോര്‍ട്ട് ഫിലിം ഫെസ്റ്റിവല്‍: എന്‍ട്രികള്‍ക്കുള്ള സമയപരിധി നീട്ടി
കോട്ടയം: തമ്പ് ഫിലിം സൊസൈറ്റിയുടെ ആഭിമുഖ്യത്തില്‍ 2025 മാര്‍ച്ച് 14, 15, 16 തീയതികളില്‍ കോട്ടയത്ത് നടക്കുന്ന അരവിന്ദം ദേശീയ ഷോര്‍ട്ട് ഫിലിം ഫെസ്റ്റിവലിന്റെ എന്‍ട്രികള്‍ സമര്‍പ്പിക്കേണ്ട അവസാന തീയതി 2025 ജനുവരി 21 വരെ നീട്ടിയതായ് സംഘാടകര്‍ അറിയിച്ചു. 2024 ഡിസംബര്‍ 30 ആയിരുന്നു സമര്‍പ്പിക്കാനുള്ള അവസാന തീയതി. എന്നിരുന്നാലും, ചില ഉത്തരേന്ത്യന്‍ സംസ്ഥാനങ്ങളില്‍ മത്സരത്തിന്റെ നോട്ടിഫിക്കേഷന്‍ വൈകിയാണ് എത്തിയത് എന്ന കാരണത്താല്‍, ചില ഷോര്‍ട്ട് ഫിലിം നിര്‍മ്മാതാക്കള്‍ തങ്ങളുടെ എന്‍ട്രികള്‍ സമര്‍പ്പിക്കാന്‍ അധിക സമയം അഭ്യര്‍ത്ഥിച്ചു. കൂടാതെ, പ്രശസ്ത സംവിധായകന്‍ ജി. അരവിന്ദന്റെ 90-ാം ജന്മദിനം 2025 ജനുവരി 21നാണ് എന്നതുകൂടി പരിഗണിച്ചാണ് ഷോട്ട് ഫിലിം സമര്‍പ്പിക്കുന്നതിനുള്ള സമയപരിധി നീട്ടാന്‍ ഫെസ്റ്റിവല്‍ കമ്മിറ്റി തീരുമാനിച്ചത്. 30 മിനിറ്റോ അതില്‍ താഴെയോ ദൈര്‍ഘ്യമുള്ള ഷോര്‍ട്ട് ഫിലിമുകള്‍ക്കാണ് മത്സരത്തിന് അര്‍ഹത. പൊതുവിഭാഗം, കാമ്പസ് വിഭാഗം എന്നിങ്ങനെ മത്സരം രണ്ട് വിഭാഗങ്ങളായി തിരിച്ചിരിക്കുന്നു.
ഇനിപ്പറയുന്നവയ്ക്ക് രണ്ട് വിഭാഗങ്ങളിലും വെവ്വേറെ അവാര്‍ഡുകള്‍ നല്‍കും:
- മികച്ച സിനിമ
- മികച്ച നടന്‍
- മികച്ച നടി
- മികച്ച സംവിധാനം
- മികച്ച ഛായാഗ്രഹണം
- മികച്ച എഡിറ്റിംഗ്
- മികച്ച തിരക്കഥ
അരവിന്ദം നാഷണല്‍ ഷോര്‍ട്ട് ഫിലിം ഫെസ്റ്റിവല്‍ ഷോര്‍ട്ട് ഫിലിം ഇന്‍ഡസ്ട്രിയിലെ ഏറ്റവും മികച്ച സമ്മാനത്തുകകള്‍ വാഗ്ദാനം ചെയ്യുന്നു.
- പൊതുവിഭാഗത്തില്‍, അവാര്‍ഡ് ജേതാക്കള്‍ ഒരോരുത്തര്‍ക്കും 1,00,000 രൂപയും പ്രശസ്തിപത്രവും ശില്‍പവും ലഭിക്കും.
- കാമ്പസ് വിഭാഗത്തില്‍, അവാര്‍ഡ് ജേതാക്കള്‍ ഓരോരുത്തര്‍ക്കും 50,000 രൂപയും പ്രശസ്തിപത്രവും, ശില്‍പവുംലഭിക്കും.
സാമൂഹിക പ്രതിബദ്ധയ്ക്കുള്ള അവാര്‍ഡ്: തന്നിരിക്കുന്ന വിഷയങ്ങളില്‍ സമര്‍പ്പിക്കപ്പെടുന്ന ഷോര്‍ട്ട് ഫിലിമുകളില്‍ മികച്ച ഒരു ചിത്രത്തിന് സാമൂഹ്യ പ്രതിബദ്ധതയ്ക്കുള്ള പ്രത്യേക അവാര്‍ഡ്, 1,00,000 രൂപയും, പ്രശസ്തിപത്രവും , ശില്‍പവും സമ്മാനിക്കും.
മത്സരത്തിനുള്ള തീമുകള്‍
- കുടുംബ ഉണര്‍വ്
- പൗരബോധത്തിലൂടെ ഉത്തരവാദിത്തമുള്ള പൗരത്വം
- സാമൂഹിക ഐക്യം
- പരിസ്ഥിതി സംരക്ഷണം
- സ്വത്വ ബോധം
ഫെസ്റ്റിവല്‍ ഫിനാലെയിലേക്ക് പതിനെട്ട് സിനിമകള്‍ തിരഞ്ഞെടുക്കപ്പെടും, തിരഞ്ഞെടുക്കപ്പെടുന്ന 18 ഫൈനലിസ്റ്റുകള്‍ക്കും 10,000 രൂപ ക്യാഷ് അവാര്‍ഡും, പ്രശസ്തിപത്രവും, ശില്‍പവും ലഭിക്കും. പൊതുവിഭാഗത്തിന് 1,000 രൂപയാണ് പ്രവേശന ഫീസ്, കാമ്പസ് വിഭാഗത്തിന് പ്രവേശന ഫീസ് ഇല്ല. 2024 ജനുവരി 1 നും 2024 ഡിസംബര്‍ 30 നും ഇടയില്‍ റിലീസ് ചെയ്ത ഷോര്‍ട് ഫിലുമകള്‍ക്കും റിലീസ് ചെയ്യാത്ത ഷോര്‍ട്ട് ഫിലിമുകള്‍ക്കും മത്സരിക്കാം പ്രശസ്ത സംവിധായകനും ചലച്ചിത്ര നിരൂപകനുമായ ശ്രീ. വിജയ കൃഷ്ണനാണ് അരവിന്ദം ദേശീയ ഷോര്‍ട്ട് ഫിലിം ഫെസ്റ്റിവലിന്റെ ഡയറക്ടര്‍. അദ്ദേഹത്തിന്റെ നേതൃത്വത്തില്‍, യഥാര്‍ത്ഥ മികവിന് അവാര്‍ഡുകള്‍ നല്‍കുന്നുവെന്ന് ഉറപ്പാക്കാന്‍ കഴിവുള്ള ഒരു ജൂറിയെ നിയമിക്കും. ഷോര്‍ട്ട് ഫിലിമുകള്‍ [FilmFreeway](https://filmfreeway.com/Aravindam-25) വഴി അപ്ലോഡ് ചെയ്യാം.
കൂടുതല്‍ വിവരങ്ങള്‍ക്ക്, ബന്ധപ്പെടുക:
WhatsApp: +91 70128 64173
ഇമെയില്‍: filmocietythampu@gmail.com
വെബ്‌സൈറ്റ്: [www.thampfilmsociety.com](https://www.thampfilmsociety.com)
Content Highlights: The Aravindam National Short Film Festival in Kottayam extends its deadline to Jan 21, 2025