ലിസി വീണ്ടും ക്യാമറയ്ക്ക് മുന്നിലേക്ക്, ഒപ്പം കല്യാണി, സംവിധാനം പ്രിയദർശൻ

അഭിനയലോകത്ത് നിന്നുള്ള നീണ്ട ഇടവേളയ്ക്ക് വിരാമമിട്ടുകൊണ്ട് നടി ലിസി വീണ്ടും ക്യാമറയ്ക്ക് മുന്നിലേക്ക് തിരിച്ചെത്തുന്നു. കല്യാൺ ജൂവലേഴ്‌സിന്‍റെ ഏറ്റവും പുതിയ പരസ്യചിത്രത്തിലൂടെയാണ് ലിസിയുടെ മടങ്ങിവരവ്. പ്രിയദർശനാണ് സംവിധായകൻ എന്നതാണ് ഏറ്റവും ശ്രദ്ധേയം.

ലിസിയുടെയും പ്രിയദർശന്റേയും മകൾ കല്യാണി പ്രിയദർശനും പ്രഭു ഗണേശനുമാണ് പരസ്യചിത്രത്തിലെ മറ്റഭിനേതാക്കൾ. ആരാധകർ ഒരുപാട് കാത്തിരുന്ന, ഈ കൂടിച്ചേരൽ ഇതിനോടകം തന്നെ പ്രേക്ഷകർക്കിടയിൽ വലിയ തരംഗമായി മാറിക്കഴിഞ്ഞു.

1988-ൽ പുറത്തിറങ്ങിയ 'ചിത്രം' എന്ന സിനിമയ്ക്ക് ശേഷം ആദ്യമായാണ് പ്രിയദർശന്‍റെ സംവിധാനത്തിൽ ലിസി അഭിനയിക്കുന്നത് എന്നതാണ് ഏറ്റവും കൗതുകകരമായ കാര്യം. ഏകദേശം നാല് പതിറ്റാണ്ടുകൾക്ക് ശേഷമുള്ള സർഗാത്മകമായ ഈ അപൂർവ്വ ഒത്തുചേരൽ സിനിമാപ്രേമികളുടെ മനസിൽ വലിയ സന്തോഷം നിറയ്ക്കുമെന്ന കാര്യത്തിൽ യാതൊരു സംശയവുമില്ല.

Content Highlights: Sending a wave of nostalgia and excitement through film enthusiasts, veteran actress Lissy has officially ended her long hiatus from the silver screen and stepped back in front of the camera. In a spectacular creative reunion, she is being directed by master filmmaker Priyadarshan for the latest commercial of Kalyan Jewellers—marking their first professional collaboration since the 1988 cult-classic blockbuster Chithram. Adding to the charm, the advertisement also features their daughter Kalyani Priyadarshan alongside veteran actor Prabhu Ganesan.