ചിലങ്ക ചാർത്തി ചിണുങ്ങി വന്നു ചിങ്ങപ്പൂമ്പുലരി; ശ്രദ്ധേയമായി തിരുവോണം ആൽബം

യുവ സംഗീത സംവിധായകൻ ഗൗതം വിൻസെന്റ് സംഗീതം നൽകിയ 'തിരുവോണം' ​ഗാനം ഈ ഓണക്കാലത്ത് ശ്രദ്ധേയമാകുന്നു. മലയാളത്തിന്റെ പ്രിയ ഗായകൻ മധു ബാലകൃഷ്ണനും സോണി മോഹനും ചേർന്നാണ് ഗാനം ആലപിച്ചിരിക്കുന്നത്.

ഗൗതമിന്റെ അമ്മ ജോസിമ ഷാജി ആണ് ഗാനരചന. വീണ മാന്ത്രികൻ  രാജേഷ് വൈദ്യയുടെ സാന്നിധ്യം പാട്ടിന്റെ മാറ്റ് കൂട്ടുന്നു.

ബേസ് ഗിറ്റാർ - ജി കെ പി ദിലീപ്,  മൃദംഗം - ജെ ആർ വർമ, മിക്സ്‌ ആൻഡ് മാസ്റ്ററിങ് - അർജുൻ കൊട്ടാരം  തുടങ്ങിയ കലാകാരന്മാരുടെ സാനിധ്യവും ഗാനത്തിലുണ്ട് . സാമൂഹ്യ മാധ്യമങ്ങളിൽ നിരവധി കാഴ്ചക്കാരെ സ്വന്തമാക്കി മുന്നേറുകയാണ് 'തിരുവോണം'.

Content Highlights: thiruvonam song, madhu balakrishnan new onam song