കറന്‍സി മൂല്യം: ഏഷ്യയില്‍ കൂടുതല്‍ ഇടിവ് നേരിട്ട് ഇന്ത്യ, എപ്രകാരം ബാധിക്കും?

ആഗോളതലത്തില്‍ ഈ വര്‍ഷം കൂടുതല്‍ ഇടിവു നേരിട്ട കറന്‍സി സിംബാബ്‌വെ ഡോളറാണ്. ഏകദേശം 90 ശതമാനത്തിനു മുകളില്‍. എന്നാല്‍ ഏഷ്യന്‍ രാജ്യങ്ങളില്‍ കൂടുതല്‍ ഇടിഞ്ഞ കറന്‍സി ഇന്ത്യന്‍ രൂപയാണ് എന്നത് പലരേയും അത്ഭുതപ്പെടുത്തിയേക്കാം. ഏതാനും വര്‍ഷങ്ങളായി കോവിഡും ഭൗമരാഷ്ട്രീയ സംഘര്‍ഷങ്ങളും യുദ്ധ സമാന സാഹചര്യങ്ങളും ഉല്‍പാദന-ഉപഭോഗ നിരക്ക് കുറയാന്‍ കാരണമായി. ആഗോള സാമ്പത്തിക വളര്‍ച്ചയെത്തന്നെ അനിശ്ചിതത്വത്തിലേക്കു നയിച്ചു. എന്നിരുന്നാലും രാജ്യത്തെ സമ്പദ്‌വ്യവസ്ഥ ക്രമാനുഗതമായ വളര്‍ച്ചയാണ് രേഖപ്പെടുത്തി വരുന്നത്. കുറഞ്ഞ നിരക്കില്‍ ലഭ്യമാവുന്ന ക്രൂഡോയിലും, ആഭ്യന്തര വളര്‍ച്ച ശക്തിപ്പെടുത്താന്‍ കേന്ദ്ര സര്‍ക്കാര്‍ കൈക്കൊള്ളുന്ന നടപടികളും താരതമ്യേന കുറഞ്ഞ തോതിലുള്ള പലിശ നിരക്കും ആഭ്യന്തര ഉല്‍പാദനവും ഉപഭോഗവും വര്‍ധിയ്ക്കാന്‍ കാരണമായിട്ടുണ്ട്.

എന്നാല്‍ കഴിഞ്ഞ ആഴ്ച ഡോളറിനെതിരെ രൂപ 90 എന്ന നിലവാരത്തിയേക്ക് കൂപ്പുകുത്തിയത് ആഭ്യന്തര വളര്‍ച്ചയെ ചെറിയതോതിലെങ്കിലും ബാധിച്ചേക്കാമെന്ന വിലയിരുത്തല്‍ സജീവമാക്കി. വിദേശ പോര്‍ട്ഫോളിയോ നിക്ഷേപകരുടെ തുടര്‍ച്ചയായ വിറ്റഴിക്കല്‍, ആര്‍ബിഐയുടെ പരിമിതമായ ഇടപെടല്‍, ആഗോള തലത്തില്‍ യുഎസ് ഡോളറിനുണ്ടായ ഡിമാന്‍ഡ് എന്നിവയാണ് ഇപ്പോഴത്തെ ഇടിവിന്റെ പ്രധാന കാരണങ്ങളായി പറയുന്നത്.

Content Highlights: Explore why the Indian Rupee is falling against the US Dollar, its global context with Zimbabwe, and how it affects India`s economy, exports, and inflation.