51-ാം വയസ്സിലും നിത്യയൗവ്വനം; രഹസ്യം വെളിപ്പെടുത്തി ശിൽപ്പ ഷെട്ടി

പ്രായം അൻപത്തൊന്ന് പിന്നിട്ടിട്ടും യുവത്വം അതേപടി നിലനിർത്തുന്ന ബോളിവുഡ് താരം ശിൽപ്പ ഷെട്ടി കുന്ദ്ര എന്നും ഫിറ്റ്‌നസ് ലോകത്തിന് വലിയൊരു അഭിമാനമാണ്. നടിയായും സംരംഭകയായും യോഗാ ട്രെയിനറായും തിളങ്ങുന്ന ശിൽപ്പ, തന്റെ ഈ അസാധ്യ ഫിറ്റ്‌നസ് സൗന്ദര്യത്തിന് പിന്നിലെ രഹസ്യങ്ങൾ തുറന്നുപറഞ്ഞിരിക്കുകയാണ്. ശരീരത്തിന് പ്രോട്ടീൻ വളരെ അത്യാവശ്യമാണെന്നതിൽ തർക്കമില്ല, എന്നാൽ ഫിറ്റ്‌നസ് എന്ന് പറയുന്നത് പ്രോട്ടീനിൽ മാത്രം ഒതുങ്ങുന്ന ഒന്നല്ലെന്നും അത് വലിയൊരു ചിത്രത്തിന്റെ ഒരു ഭാഗം മാത്രമാണെന്നുമാണ് നടിയുടെ അഭിപ്രായം.

തന്റെ ഫിറ്റ്‌നസ് യാത്രയുടെ തുടക്കത്തിൽ തന്നെ പ്രോട്ടീന്റെ പ്രാധാന്യത്തെക്കുറിച്ച് താൻ ബോധവതിയായിരുന്നുവെന്ന് ശിൽപ്പ വ്യക്തമാക്കുന്നു. വ്യായാമം മാത്രം ചെയ്തതുകൊണ്ട് ശരീരം ആഗ്രഹിച്ച രൂപത്തിലാവില്ലെന്ന് തിരിച്ചറിഞ്ഞതോടെയാണ് പോഷകാഹാരത്തിന് പ്രാധാന്യം നൽകാൻ തുടങ്ങിയത്. 'പ്രോട്ടീൻ എന്റെ ഭക്ഷണക്രമത്തിലെ വളരെ നിർണായകമായ ഒരു ഘടകമാണ്. എന്നാൽ പ്രോട്ടീൻ മാത്രമാണ് ഫിറ്റ്‌നസ് എന്ന് കരുതുന്നത് തെറ്റാണ്. അത് വലിയൊരു പസിലിന്റെ ഒരു കഷ്ണം മാത്രമാണ്,' ശിൽപ്പ പറയുന്നു.

പ്രോട്ടീനൊപ്പം കാൽസ്യം, വിറ്റാമിൻ ഡി, ആരോഗ്യകരമായ കൊഴുപ്പുകൾ, കാർബോഹൈഡ്രേറ്റ്, മൈക്രോ ന്യൂട്രിയന്റുകൾ എന്നിവയും ശരീരത്തിന് ആവശ്യത്തിന് വെള്ളവും ഉറപ്പാക്കുന്ന സമീകൃതാഹാരമാണ് ശരീരത്തിന് വേണ്ടതെന്നും നടി വ്യക്തമാക്കി, പ്രായം കൂടുംതോറും പോഷകാഹാരത്തെക്കുറിച്ചും വ്യായാമത്തെക്കുറിച്ചുമുള്ള കാഴ്ചപ്പാട് കൂടുതൽ മനസിലായിയെന്നും അവർ പറയുന്നു.

ശരീരത്തിന് ആവശ്യമായ പോഷകങ്ങൾ നൽകാതെ പട്ടിണി കിടക്കുന്ന അമിത ഡയറ്റുകളോട് തനിക്ക് ഒട്ടും താല്പര്യമില്ലെന്ന് ശിൽപ്പ ഷെട്ടി വ്യക്തമാക്കി. കൃത്യമായ പോർഷൻ കൺട്രോളിലൂടെ ഇഷ്ടമുള്ള ഭക്ഷണങ്ങൾ ആസ്വദിച്ചു കഴിക്കുക എന്നതാണ് തന്റെ രീതി. വീട്ടിൽ കുടുംബാംഗങ്ങൾക്കെല്ലാം ഒരേ ഡയറ്റ് നിർബന്ധപൂർവ്വം അടിച്ചേൽപ്പിക്കാറില്ലെന്നും കുട്ടികൾക്ക് പിസ്സയോ മധുരപലഹാരങ്ങളോ കുറ്റബോധമില്ലാതെ കഴിക്കാനുള്ള സ്വാതന്ത്ര്യം നൽകിയിട്ടുണ്ടെന്നും നടി പറയുന്നു.

ആരോഗ്യകരമായ ഭക്ഷണശീലങ്ങൾ തന്റെ കുട്ടികൾക്ക് പരിചയപ്പെടുത്താറുണ്ടെങ്കിലും, ഭക്ഷണത്തോട് ഭയമില്ലാത്ത നല്ലൊരു മാനസികബന്ധം വളർത്തിയെടുക്കാനാണ് താൻ ആഗ്രഹിക്കുന്നതെന്ന് ശിൽപ്പ പറഞ്ഞു.

വർക്കൗട്ടിനൊപ്പം ശരിയായ വിശ്രമവും കാർഡിയോ, സ്‌ട്രെങ്ത് ട്രെയിനിങ്, മൊബിലിറ്റി വ്യായാമങ്ങൾ എന്നിവയും ചേരുമ്പോഴാണ് ഒരു വ്യക്തി പൂർണമായി ഫിറ്റ് ആകുന്നതെന്നാണ് ശിൽപ്പയുടെ അഭിപ്രായം. യോഗയ്ക്ക് വലിയ പ്രാധാന്യം നൽകുന്ന നടി, ലളിതമായ ശീലങ്ങളിലൂടെയും കൃത്യമായ ജീവിതശൈലിയിലൂടെയുമാണ് ശരീരത്തിന്റെ ആന്തരിക ആരോഗ്യവും ചർമ്മത്തിന്റെ തിളക്കവും നിലനിർത്തുന്നത്.

Content Highlights: Shilpa Shetty reveals her fitness and anti-aging secrets at 51 years old., Emphasizes that protein is important, but only one part of a balanced diet., Advocates portion control rather than strict, unhealthy starvation diets., Combines yoga, cardio, strength training, and proper rest for complete fitness.