ലോക്ഡൗണ്‍ കാലത്ത് മകള്‍ക്ക് ട്രഷര്‍ഹണ്ട് ഒരുക്കി അച്ഛന്, വീഡിയോ വൈറലാകുന്നു
കൊറോണ ലോക്ഡൗണാണ്. അവധിയായി വീട്ടിലിരിക്കുന്ന വികൃതിക്കുരുന്നുകളെ എന്ത് ചെയ്യും എന്ന കണ്‍ഫ്യൂഷനിലാണ് മിക്ക മാതാപിതാക്കളും. എന്നാല്‍ മകള്‍ക്ക്ഫുള്‍ടൈം സാഹസികകൃത്യങ്ങള്‍ ഒരുക്കിയാണ് ജേസണ്‍ റോബിന്‍സണ്‍ എന്ന പിതാവ് സോഷ്യല്‍ മീഡിയയുടെ പ്രിയം പിടിച്ചു പറ്റിയത്. മൂന്ന് വയസ്സുകാരി എമ്മയ്ക്കു വേണ്ടി ഒരു ട്രഷര്‍ഹണ്ടാണ് ജോസണ്‍ തയ്യാറാക്കിയത്. ട്വിറ്ററില്‍ എമ്മയുടെ ട്രഷര്‍ഹണ്ട് വീഡിയോയ്ക്ക് ഇപ്പോള്‍ തന്നെ 164കെ വ്യൂവേഴ്‌സ് കടന്നു.
വീടിന്റെ സീലിങിലെ ഡോറില്‍ നോക്കി 'പപ്പാ അവിടെ ഒരു ഡോറുണ്ടല്ലേ.. അതിനപ്പുറത്ത് എന്താ' എന്ന എമ്മയുടെ ചോദ്യമാണ് ജേസണെ ഇങ്ങനെയൊന്ന് പ്ലാന്‍ ചെയ്യാന്‍ പ്രേരിപ്പിച്ചത്. 'അവളുടെ ആകാംഷയെ ഒട്ടും ചോര്‍ത്താന്‍ ഞാന്‍ റെഡിയായില്ല. പകരം ഒരു ഗോവണി കിട്ടിയിട്ട് നമുക്ക് അവിടെ എന്താണെന്ന് നോക്കാം എന്ന് ഞാന്‍ അവളെ സമാധാനിപ്പിച്ചു.' ജേസണ്‍ പറയുന്നു.