ശകാരിച്ചാൽ വീട് വിട്ടിറങ്ങും, ജീവിതം വേണ്ടെന്നുവെക്കും; വിട്ടുകൊടുക്കണോ കുട്ടികളെ? | പരമ്പര 04

'ബ്ലൂ വെയിൽ' എന്ന് കേൾക്കാത്തവർ ചുരുക്കമായിരിക്കും. ഇന്റർനെറ്റ് ലോകത്ത് ഭീതി പടർത്തിയിരുന്ന അജ്ഞാത ഗെയിം. ‘മരണക്കളി’ എന്നറിയപ്പെട്ടിരുന്ന ഈ ഗെയിമിനെക്കുറിച്ച് പല അഭ്യൂഹങ്ങളും പല തരത്തിലുള്ള വാർത്തകളും സമൂഹ മാധ്യമങ്ങളിലും വാർത്താ ചാനലുകളിലും ഒരു കാലത്ത് നിറഞ്ഞുനിന്നിരുന്നു. വാതോരാതെ പലരും കൊലയാളി ഗെയിമിനെക്കുറിച്ച് സംസാരിച്ചു. രക്ഷിതാക്കൾ ജാഗരൂകരായി, കുട്ടികളെ നിരീക്ഷിച്ചു തുടങ്ങി. സമൂഹവും ഭരണസംവിധാനങ്ങളും സടകുടഞ്ഞെണീറ്റു, അവബോധം സൃഷ്ടിക്കാൻ നേരിട്ടിറങ്ങി.

എന്താണ് ബ്ലൂ വെയിൽ എന്ന് ചോദിച്ചാൽ അതൊരു 'കൊലയാളി ഗെയിം' എന്ന് മാത്രം എല്ലാവർക്കുമറിയാം. ഈ ഗെയിമിനേക്കുറിച്ചുള്ള കൃത്യമായ വിവരങ്ങൾ ഇതുവരെ ആർക്കും കണ്ടെത്താനോ വ്യക്തത വരുത്താനോ സാധിച്ചിട്ടില്ല. ഇതേക്കുറിച്ചുള്ള അന്വേഷണത്തിനൊടുവിൽ പലരും എത്തിച്ചേർന്നത് ഡാർക്ക് വെബ്, നിഗൂഢ കൂട്ടായ്മകളിലേക്കാണ്. ബ്ലൂവെയിൽ എന്ന പേരിൽ പോലും നിഗൂഢതകളുണ്ടെന്നാണ് പറയപ്പെടുന്നത്.

Content Highlights: children suicide game addict engane mathiyo e bodham investigation series