പുസ്തകം വായിക്കാനാവില്ല, സ്കൂളിൽ പോകാനാവില്ല; ഇരുളടഞ്ഞ് അഫ്ഗാൻ പെൺകുട്ടികളുടെ ഭാവി
ഭയപ്പാടില്ലാത്ത ഒരു കാലമുണ്ടായിരുന്നു അഫ്ഗാനിലെ സ്ത്രീകള്ക്ക്. സര്വകലാശാലകളില് ഉന്നതപഠനം നടത്താനും ഏതു തരത്തിലുള്ള വസ്ത്രവും ധരിക്കാൻ കഴിഞ്ഞിരുന്ന നാളുകള്. 1919-ല് ബ്രിട്ടനില് സ്ത്രീകള് വോട്ടവകാശം നേടിയതിന് തൊട്ടടുത്ത വര്ഷം അഫ്ഗാന് സ്ത്രീകളും വോട്ടവകാശം നേടിയിരുന്നു. 1950-ല് രാജ്യത്ത് പര്ദ നിരോധിച്ചു. 1960-കളില് പുതിയ ഭരണഘടന രാഷ്ട്രീയത്തിലും പൊതുവിടങ്ങളിലും സ്ത്രീ-പുരുഷ സമത്വം കൊണ്ടുവന്നു. എന്നാല് 1970-കളിലെ സോവിയറ്റ് അധിനിവേശവും 80-കളിലെ മുജാഹിദ്ദീന് വിഭാഗവും സര്ക്കാരുമായുള്ള സംഘര്ഷങ്ങളിലൂടെയും പിന്നീട് താലിബാന് ഭരണത്തിലൂടെയും അവര്ക്ക് സ്വാതന്ത്ര്യം നഷ്ടപ്പെട്ടു. പെണ്കുട്ടികള് സ്കൂളില് പോകുന്നതും പഠിക്കുന്നതും ജോലിചെയ്യുന്നതും താലിബാന് എതിര്ത്തു. ബന്ധുവായ പുരുഷനൊപ്പമല്ലാതെ പുറത്തിറങ്ങുന്നതും തൊലിപുറത്തുകാണുന്ന വസ്ത്രങ്ങള് ധരിക്കുന്നതും എന്തിന് പുരുഷ ഡോക്ടറുടെ അടുത്ത് ചികിത്സയ്ക്ക് പോകുന്നതിന്പോലും വിലക്കുണ്ടായി.
Content Highlights: Afghanistan girls' education Thaliban in afghan