കാന്ഷിറാം കോളനിയിലെ പവന് ജല്ലാദ്; ഇന്ത്യയിലെ ഏക ആരാച്ചാർ | Off the Record
രാജ്യത്ത് അവസാനമായി വധശിക്ഷ നടപ്പാക്കിയത് 2020-ലാണ്. സമൂഹ മനഃസാക്ഷിയെ ഞെട്ടിച്ച നിര്ഭയകേസില് പ്രതികളായ മുകേഷ് സിങ്, അക്ഷയ് താക്കൂര്, വിനയ് ശര്മ, പവന് ഗുപ്ത എന്നിവരെ തിഹാര് ജയിലില് തൂക്കിക്കൊന്നു. 2012 ഡിസംബറിലെ കൊടുംതണുപ്പില് ക്രൂരകൃത്യം നടന്നത് മുതല് കേസിന്റെ ഓരോ ഘട്ടങ്ങളും റിപ്പോര്ട്ട് ചെയ്യാന് അവസരം ലഭിച്ചു. നിര്ഭയ്ക്ക് നീതിതേടി ജനം തെരുവിലിറങ്ങിയപ്പോള് അവരിലൊരാളായി.
ക്രൂരവും പൈശാചികവുമായ കുറ്റകൃത്യം. കര്ത്തവ്യപഥില് അക്രമസക്തമായ പ്രക്ഷോഭത്തിന്റെ നടുവില് നിന്നായിരുന്നു റിപ്പോര്ട്ടിങ്. മാധ്യമ പ്രവര്ത്തകനെന്ന നിലയില് അഭിമാനം തോന്നിയ ദിനങ്ങള്. സാകേത് കോടതി മുതല് ഹൈക്കോടതിയിലും സുപ്രീം കോടതിയിലുമൊക്കെ നിയമപോരാട്ടങ്ങള്. എട്ട് വര്ഷത്തിനിപ്പുറം 2020 മാര്ച്ച് 20-ന് തിഹാറില് ശിക്ഷ നടപ്പാക്കുമ്പോള് മധ്യപ്രദേശിലെ രാഷ്ട്രീയ അസ്ഥിരത റിപ്പോര്ട്ട് ചെയ്യാന് ഭോപ്പാലിലായിരുന്നു. ഇന്ത്യന് കോഫി ഹൗസിലെ മുറിയിലിരുന്ന് വധശിക്ഷ നടപ്പാക്കിയ വാര്ത്ത ടെലിവിഷനില് കണ്ടു.
Content Highlights: Pawan Jallad, hangman of Kanshi Ram Colony