പ്രതിപക്ഷത്തെ നയിക്കാൻ സ്റ്റാലിന്; തടയിടാനോ ഉത്തരേന്ത്യന് വിരുദ്ധനെന്ന പ്രചാരണം?
ചെന്നൈയില് നടന്ന എം.കെ.സ്റ്റാലിന്റെ 70-ാം ജന്മദിനാഘോഷ ചടങ്ങില് സുപ്രധാനമായ പ്രഖ്യാപനമാണ് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ നടത്തിയത്. 2024-ലോക്സഭാ തിരഞ്ഞെടുപ്പിന് പ്രധാനമന്ത്രി സ്ഥാനാര്ഥിയായി പാര്ട്ടി ആരേയും ഉയര്ത്തിക്കാണിക്കുന്നില്ല. തികച്ചും പ്രായോഗികമായതും കോണ്ഗ്രസിന്റെ കുടക്കീഴില് യു.പി.എ. ഇതര വിശാല പ്രതിപക്ഷ ഐക്യം ഉണ്ടാകില്ലെന്ന തുറന്നുപറച്ചിൽ കൂടിയാണ് ഖാര്ഗെയുടെ പ്രസ്താവന.
മുത്തുവേല് കരുണാനിധി സ്റ്റാലിന് എന്ന തമിഴ്നാട് മുഖ്യമന്ത്രി എം.കെ. സ്റ്റാലിനെ പ്രധാനമന്ത്രി സ്ഥാനാര്ഥിയാക്കുന്നത് ആലോചിക്കാവുന്നതാണെന്ന് ജമ്മു കശ്മീര് മുന് മുഖ്യമന്ത്രിയും നാഷണല് കോണ്ഫറന്സ് അധ്യക്ഷനുമായ ഫാറൂഖ് അബ്ദുള്ള നിര്ദേശം വെച്ച വേദിയിലായിരുന്നു ഖാര്ഗെയുടെ പ്രസ്താവനയും. പ്രതിപക്ഷം കൈകോര്ത്ത് 2024-ലെ പൊതു തിരഞ്ഞെടുപ്പ് ജയിച്ചാല് സ്റ്റാലിന് പ്രധാനമന്ത്രിയാകാനുള്ള സാധ്യത തള്ളാനാവില്ലെന്നാണ് ഫാറൂഖ് അബ്ദുള്ള പറഞ്ഞുവച്ചത്.
Content Highlights: Opposition parties together for the 2024 Lok Sabha polls-mk stalin-bjp