ആധുനിക ലോകത്തെ 'വില്ലൻ' സമ്മർദം; പ്രത്യുത്പാദനശേഷിയെ ബാധിക്കും, ആരോഗ്യപ്രശ്നങ്ങൾ വേറെ- പഠനം പറയുന്നത്

ഇന്നത്തെ കാലത്ത് ആളുകളെ ബാധിക്കുന്ന ഏറ്റവും വലിയ പ്രശ്നങ്ങളിലൊന്നാണ് സമ്മർദ്ദം. തുടർച്ചയായുണ്ടാകുന്ന ഈ സമ്മർദ്ദങ്ങളെ നേരിടാൻ മനുഷ്യർക്ക് ബുദ്ധിമുട്ടായിരിക്കുമെന്നാണ് പുതിയ പഠനം പറയുന്നത്. നിരന്തരമായ സമ്മർദം മനുഷ്യരുടെ ആരോഗ്യത്തേയും പ്രത്യുത്പാദന ശേഷിയെയും പോലും ബാധിച്ചേക്കാമെന്നും ഗവേഷകർ പറയുന്നു. ന്യൂസ്‌വീക്ക് ആണ് ഈ കാര്യം പുറത്തുവിട്ടത്.

സ്യൂറിച്ച് യൂണിവേഴ്സിറ്റിയിലെ evolutionary anthropologist ശാസ്ത്രജ്ഞനായ കോളിൻ ഷായും ലഫ്‌ബറോ യൂണിവേഴ്സിറ്റിയിലെ ഡാനിയൽ ലോങ്ങ്മാനും ചേർന്ന് ബയോളജിക്കൽ റിവ്യൂസിൽ പ്രസിദ്ധീകരിച്ച പഠനത്തിലാണ് ഇക്കാര്യങ്ങൾ വ്യക്തമാക്കുന്നത്. മുൻകാലത്ത് മനുഷ്യർക്ക് അപ്രതീക്ഷിതമായ സമ്മർദ്ദങ്ങളെ നേരിടാൻ കഴിഞ്ഞിരുന്നെന്ന് പഠനം പറയുന്നു. അക്കാലത്ത്, ഭീഷണികൾ അപൂർവമായിരുന്നെന്നും ആളുകൾക്ക് വേഗത്തിൽ പ്രതികരിക്കേണ്ടിയിരുന്നെന്നും ഗവേഷണം വ്യക്തമാക്കുന്നു.

എന്നാൽ, ഇന്നത്തെ കാലത്ത് ട്രാഫിക്, സമയപരിധി, ശബ്ദം, സോഷ്യൽ മീഡിയ എന്നിവയെല്ലാം ആരോഗ്യത്തെ ബാധിക്കുന്നു. ഒരാൾ പ്രയാസകരമായ സംഭാഷണങ്ങൾ നടത്തുന്നതോ ട്രാഫിക്കിൽ കുടുങ്ങിക്കിടക്കുകയോ ചെയ്യുന്നത് പോലും ശരീരം നിരന്തരമായ ഭീഷണികൾ നേരിടുന്നതായി കരുതുന്നുവെന്ന് ലോങ്മാൻ പറഞ്ഞു. കുറഞ്ഞുവരുന്ന ആഗോള പ്രത്യുത്പാദന നിരക്ക്, വീക്കം, കുറഞ്ഞ ബീജങ്ങളുടെ എണ്ണം എന്നിവയെല്ലാം സമ്മർദ്ദവുമായി ബന്ധപ്പെട്ട പ്രശ്നങ്ങളുടെ സൂചനകളാണെന്നും ഇവർ ചൂണ്ടിക്കാട്ടുന്നു.

നമ്മുടെ ശരീരം പരിണമിച്ച രീതിയും ആധുനിക ജീവിതവും തമ്മിൽ വലിയ വിടവ് നിലനിൽക്കുന്നുണ്ട്. ചെറിയതും പെട്ടെന്നുള്ളതുമായ അപകടങ്ങൾക്കുവേണ്ടി പരിണമിച്ചതാണ് നമ്മുടെ stress response. എന്നാൽ, നിരന്തരമായ സമ്മർദ്ദം പ്രതിരോധ സംവിധാനത്തെ ദുർബലപ്പെടുത്തുകയും ഓർമശക്തിയെ ബാധിക്കുകയും ചെയ്യുന്നുവെന്നും ഗവേഷകർ നിരീക്ഷിക്കുന്നു.

Content Highlights: Chronic stress in modern life may be an evolutionary mismatch, impacting mental & physical health. Explore the science behind this fascinating new study.