ചുവടുമാറ്റിയ മോദി, നിലനിൽപ്പിന് രാഹുൽ; ഇരട്ട മണ്ഡലത്തിൽ ജയിക്കുന്ന രാഷ്ട്രീയവും തോൽക്കുന്ന ജനവും

ഒന്നിൽ കൂടുതൽ മണ്ഡലങ്ങളിൽ നിന്നും ഒരേസമയം സ്ഥാനാർഥികൾ ജനവിധി തേടുന്നത് സംബന്ധിച്ചുള്ള ചർച്ചകൾക്ക് പതിറ്റാണ്ടുകളുടെ പഴക്കമുണ്ട് ഇന്ത്യാ മഹാരാജ്യത്തിൽ. വര്‍ത്തമാന ഇന്ത്യൻ രാഷ്ട്രീയത്തിലെ അതികായരിൽ പലർക്കും ഒരേസമയം രണ്ട് മണ്ഡലങ്ങളിൽ നിന്നും ജനവിധി തേടിയ ചരിത്രവുമുണ്ട്. തങ്ങളുടെ ശക്തി തെളിയിക്കാനുള്ള പോരാട്ടമായും പരാജയഭീതികൊണ്ടുള്ള ഒളിച്ചോട്ടമായും ഇത്തരം നീക്കങ്ങൾ വിലയിരുത്തപ്പെട്ടു. എന്നിരുന്നാലും, വിഷയം ചർച്ചയ്ക്കെത്തുമ്പോൾ പൊതുജനം മുതൽ സർക്കാർ സംവിധാനങ്ങൾക്ക് വരെ ഭിന്നാഭിപ്രായമാണ്. 

വ്യത്യസ്തമായ രാഷ്ട്രീയ സാഹചര്യങ്ങൾ സ്ഥാനാർഥികൾ ഒരേ സമയം രണ്ട് മണ്ഡലങ്ങളിൽ മത്സരിക്കുന്നതിലെ തെറ്റെന്താണെന്നാണ് ഒരു വിഭാ​ഗത്തിന്റെ ചോദ്യം. അതേസമയം, ഇത്തരം പ്രവണതകൾ പൊതുഖജനാവിന് വരുത്തിവയ്ക്കുന്ന ബാധ്യതകളും പ്രവൃത്തിയിലെ അധാർമികതയുമാണ് മറുപക്ഷം ഉന്നയിക്കുന്ന വാദം. സാമൂഹ്യമാധ്യമങ്ങൾ മുതൽ പരമോന്നത കോടതിയിൽ വരെയെത്തിയ ചർച്ചകൾക്ക് ഈയടുത്താണ് സുപ്രീംകോടതി ഒരു തീർപ്പ് കൽപ്പിച്ചത്. ഇന്ദിരാ​ഗാന്ധി മുതൽ നരേന്ദ്രമോദി വരെയുള്ള ശക്തർ ഒരേസമയം ഒന്നിൽക്കൂടുതൽ മണ്ഡലങ്ങളിൽ നിന്നും മത്സരിച്ചിട്ടുണ്ട്. ഇക്കൂട്ടരിൽ രാജകീയമായി ജയിച്ചുകയറിയവരുമുണ്ട് ഇന്ത്യൻ തിരഞ്ഞെടുപ്പ് ചരിത്രത്തിൽ. ഒരേസമയം ഒന്നിൽ കൂടുതൽ മണ്ഡലങ്ങളിൽ നിന്നും കാലിടറിയവരും..

Content Highlights: Ten Candidates contested from two constituencies in same election