മൈന്പാകിയ വഴികള്; തോക്കുധാരികള്ക്കൊപ്പം സ്ഥാനാര്ഥി
കളക്ടര്, പൊതുവിദ്യാഭ്യാസ സെക്രട്ടറി തുടങ്ങി ഉന്നതപദവികള് വഹിച്ച സിവില് സര്വീസ് ഉദ്യോഗസ്ഥന് എ.ഷാജഹാന് തദ്ദേശസ്ഥാപനങ്ങളുടെ തിരഞ്ഞെടുപ്പിന്റെ ചുമതലയുള്ള സംസ്ഥാന തിരഞ്ഞെടുപ്പ് കമ്മിഷണറാണ്. ബംഗാള്, ഉത്തര്പ്രദേശ്, ഗുജറാത്ത്, നാഗാലാന്ഡ് ഉള്പ്പെടെ 11 സംസ്ഥാനങ്ങളില് നിയമസഭാ, ലോക്സഭാ തിരഞ്ഞെടുപ്പുകളില് 19 തവണ പൊതുനീരീക്ഷകനായിരുന്ന അദ്ദേഹം തന്റെ തിരഞ്ഞെടുപ്പ് അനുഭവങ്ങള് പങ്കുവെയ്ക്കുന്നു.
ഉത്തര്പ്രദേശിലെ ഗാസിയാബാദില് ഒരു നിയമസഭാ മണ്ഡലം മുഴുവന് ഡല്ഹിയിലെ ഗുണ്ടാ നേതാവിന്റെ കീഴില്. അയാളുടെ നാലാം മത്സരത്തിന് പ്രചാരണം തോക്കുധാരികളായ നാലഞ്ചുപേരെ കൂട്ടിയാണ്. നിരവധി കൊലക്കേസുകളിലെ പ്രതി. ജീവനുഭീഷണിയുണ്ടെന്നു പറഞ്ഞ് ഹൈക്കോടതിവഴിയാണ് തോക്കുധാരികളുടെ സംരക്ഷണം നേടിയത്. സ്വന്തം നിലയ്ക്ക് എസ്കോര്ട്ട് വേറേയും. ആദ്യവോട്ട് അയാളുടേതായിരിക്കും. പിന്നീടേ മറ്റാര്ക്കും അവസരമുളളൂ. അഞ്ചുബൂത്തുകള് പ്രവര്ത്തിക്കുന്ന സ്കൂള് തുറക്കാന്പോലും ഗുണ്ടാനേതാവിന്റെ അനുമതി വേണമായിരുന്നു. നിരീക്ഷക ജോലിക്കിടെ ഇങ്ങനെ പലകഥകള്; പറയാവുന്നതും പറയാനാവാത്തതും.
Content Highlights: a shajahan former election observer election memories