തൃശ്ശൂരിലും മാവേലിക്കരയിലും ആറ്റിങ്ങലിലും ഇഞ്ചോടിഞ്ച്; മാതൃഭൂമി ന്യൂസ് P-MARQ അഭിപ്രായ സര്‍വേ

തിരുവനന്തപുരം: ലോക്‌സഭാ തിരഞ്ഞെടുപ്പില്‍ തൃശ്ശൂരിലും മാവേലിക്കരയിലും ആറ്റിങ്ങലിലും ഇഞ്ചോടിഞ്ച് പോരാട്ടം പ്രവചിച്ച് മാതൃഭൂമി ന്യൂസ് P-MARQ രണ്ടാംഘട്ട അഭിപ്രായസര്‍വേ. തൃശ്ശൂരിൽ കെ മുരളീധരൻ 34% വോട്ടുകൾ നേടുമെന്നാണ് പ്രവചനം. ആദ്യഘട്ടസർവേയിൽ ഒന്നാമതായിരുന്ന വി.എസ്. സുനിൽകുമാർ 32% വുമായി രണ്ടാമതാണ്. എൻഡിഎ സ്ഥാനാർഥി സുരേഷ് ​ഗോപി 31% വോട്ടുനേടുമെന്നും സർവേ ഫലം. ഇതോടെ തൃശ്ശൂരിൽ ത്രികോണ മത്സരം ഉറപ്പിച്ചു.

മാവേലിക്കരയിൽ കൊടിക്കുന്നിൽ സുരേഷിന് 41% വോട്ട് പ്രവചിക്കുമ്പോൾ 40 % വോട്ടുകളുമായി സി.എ. അരുൺകുമാർ തൊട്ടുപിന്നിലുണ്ട്. ആറ്റിങ്ങലിൽ അടൂർ പ്രകാശിന് 34% വോട്ട് പ്രവചിക്കുമ്പോൾ 33% വോട്ടുകളുമായി വി. ജോയിയും 29 % വോട്ടുകളുമായി വി മുരളീധരനും തൊട്ടുപിന്നിലുണ്ട്.

വയനാട്ടിൽ രാഹുൽ ​ഗാന്ധി 60% വോട്ട് സ്വന്തമാക്കുമെന്നും സർവേ പ്രവചിക്കുന്നു. കോട്ടയത്ത് കേരളാ കോൺ​ഗ്രസ് മാണി വിഭാ​ഗത്തിന് അടി പതറുമെന്നാണ് സർവേ പ്രവചനം. യുഡിഎഫ് സ്ഥാനാർഥി ഫ്രാൻസിസ് ജോർജിനാണ് വിജയസാധ്യത.

ഓരോ മണ്ഡലങ്ങളുമായി ബന്ധപ്പെട്ട അഭിപ്രായ സര്‍വേ പ്രവചനം ഇത്തരത്തിലാണ്: 
 

വയനാട്

രാഹുൽ ​ഗാന്ധി  (UDF) - 60%
ആനി രാജ  (LDF) - 25%
കെ. സുരേന്ദ്രൻ (NDA) - 12%

മാവേലിക്കര

കൊടിക്കുന്നേൽ സുരേഷ് (UDF) - 41%
സി. എ. അരുൺകുമാർ  (LDF) - 40%
ബൈജു കലാശാല (NDA) - 17%

ചാലക്കുടി

ബെന്നി ബെഹനാൻ (UDF) - 40%
സി. രവീന്ദ്രനാഥ് (LDF) - 35%
കെ.എ. ഉണ്ണികൃഷ്ണൻ (NDA) - 14%

കോട്ടയം

ഫ്രാൻസിസ് ജോർജ്  (UDF) - 42%
തോമസ് ചാഴിക്കാടൻ  (LDF) - 39%
തുഷാർ വെള്ളാപ്പള്ളി(NDA) - 15%

ആറ്റിങ്ങൽ
അടൂർ പ്രകാശ് (UDF) - 34%
വി ജോയി  (LDF) - 33%
വി മുരളീധരൻ (NDA) - 29%

തൃശ്ശൂർ

കെ മുരളീധരൻ  (UDF) - 34%
വിഎസ് സുനിൽകുമാർ (LDF) - 32%
സുരേഷ് ​ഗോപി  (NDA) - 31%

Content Highlights: mathrubhumi P-MARQ survey