ഞങ്ങൾ ‘പച്ച’പിടിക്കും; ഐ.എൻ.എലിന്റെ പച്ചക്കൊടിയുയർത്തി വൃന്ദാ കാരാട്ട് | VIDEO
കല്പറ്റ : വയനാട് ലോക്സഭാ മണ്ഡലം എൽ.ഡി.എഫ്. സ്ഥാനാർഥി ആനി രാജയുടെ റോഡ് ഷോയിൽ പ്രസംഗത്തിനിടെ ഐ.എൻ.എല്ലിന്റെ പച്ചക്കൊടിയുയർത്തി സി.പി.എം. പൊളിറ്റ് ബ്യൂറോ അംഗം വൃന്ദാ കാരാട്ട്.
പ്രസംഗത്തിനിടെ പ്രവർത്തകരിലൊരാളുടെ കൈയിൽനിന്ന് കൊടിവാങ്ങി ഉയർത്തിക്കാട്ടി ഈ പച്ചക്കൊടി നിങ്ങൾ കണ്ടില്ലേ? ഇത് ഐ.എൻ.എല്ലിന്റെ കൊടിയാണ്, ഐ.എൻ.എൽ. ഇടതുപക്ഷ ജനാധിപത്യ മുന്നണിയിലെ ബഹുമാനിക്കപ്പെടുന്ന ഘടകമാണ്. ഇതിനൊപ്പം സി.പി.എമ്മിന്റെയും സി.പി.ഐ.യുടെയും ചെങ്കൊടിയുമുണ്ട്. അതാണ് ഞങ്ങളുടെ രാഷ്ട്രീയം -വൃന്ദാ കാരാട്ട് പറഞ്ഞു.
രാഹുൽഗാന്ധിയുടെ നാമനിർദേശപത്രിക സമർപ്പിക്കുന്നതിനു മുന്നോടിയായുള്ള റോഡ് ഷോയിൽ എന്തിനാണ് മുസ്ലിംലീഗിന്റെ പച്ചക്കൊടി ഒളിപ്പിച്ചതെന്നും വൃന്ദാ കാരാട്ട് ചോദിച്ചു.