കോൺഗ്രസിന് വീണ്ടും തിരിച്ചടി; മഹിളാ കോൺഗ്രസ് സംസ്ഥാന കമ്മിറ്റി അംഗം ബിജെപിയിൽ ചേർന്നു

തിരുവനന്തപുരം: ലോക്സഭാ തിരഞ്ഞെടുപ്പ് അടുത്തെത്തി നിൽക്കെ കോൺ​ഗ്രസിന് തിരിച്ചടിയായി വനിതാ നേതാവ് ബിജെപിയിൽ ചേർന്നു. മഹിളാ കോൺ​ഗ്രസ് സംസ്ഥാന കമ്മിറ്റി അം​ഗവും എഐസിസി അംഗവുമായ കോൺഗ്രസ് നേതാവ് തങ്കമണി ദിവാകരനാണ് കോൺഗ്രസ് വിട്ട് ബിജെപിയിൽ ചേർന്നത്. തിരുവനന്തപുരത്തെ എൻഡിഎ സ്ഥാനാർഥി രാജീവ് ചന്ദ്രശേഖരിൽ നിന്ന് തങ്കമണി പാർട്ടി അം​ഗത്വം സ്വീകരിച്ചു.

കോൺ​ഗ്രസിൽ സ്ത്രീകളോടുള്ള അവ​ഗണനയാണ് രാജിക്ക് കാരണമെന്ന് അവർ മാധ്യമങ്ങളോട് പ്രതികരിച്ചു. 27 വയസുമുതൽ കോൺ​ഗ്രസിൽ പ്രവർത്തിക്കുകയാണ്. സ്ത്രീകളെ ബഹുമാനിക്കാൻ കോൺ​ഗ്രസ് വിമുഖത കാണിക്കുന്നു. പല സ്ത്രീകളും അവ​ഗണിക്കപ്പെടുകയാണെന്നും അവർ വിമർശിച്ചു.

2011 ലെ നിയമസഭാ തിരഞ്ഞെടുപ്പിൽ ആറ്റിങ്ങൽ മണ്ഡലത്തിലെ കോൺ​ഗ്രസ് സ്ഥാനാർഥിയായിരുന്നു തങ്കമണി ദിവാകരൻ. എന്നാൽ എൽഡിഎഫ് സ്ഥാനാർഥിയോട് പരാജയപ്പെട്ടു.

Content Highlights: congress leader thankamani divakaran joined bjp