തിരഞ്ഞെടുപ്പ് പ്രചാരണത്തിനിടെ ഗുരുദ്വാരയിലെത്തി ഭക്ഷണം പാകം ചെയ്തും വിളമ്പിയും പ്രധാനമന്ത്രി മോദി

ന്യൂഡല്‍ഹി: തിരഞ്ഞെടുപ്പ് പ്രചാരണത്തിനിടെ ബിഹാറിലെ ഗുരുദ്വാരയിലെത്തി ഭക്ഷണം പാകം ചെയ്തും വിളമ്പിയും പ്രധാനമന്ത്രി നരേന്ദ്ര മോദി.  സിഖ് തലപ്പാവണിഞ്ഞെത്തിയാണ് പ്രധാനമന്ത്രി മോദി ഗുരദ്വാരയിലെത്തിയവര്‍ക്ക് ഭക്ഷണം വിളമ്പുകയും പാചകം ചെയ്തതും. പട്നയില്‍ സ്ഥിതിചെയ്യുന്ന സിഖ് ദേവാലയമായ തക്ത് ഹരിമന്ദിറിലാണ് പ്രധാനമന്ത്രി സന്ദര്‍ശനം നടത്തിയത്. പത്താമത് സിഖ് ഗുരുവായ ഗുരു ഗോബിന്ദ് സിങ്ങിന്റെ ജന്മ സ്ഥലമാണ് പട്ന സാഹിബ് ഗുരുദ്വാര. 

ലോക്‌സഭാ തിരഞ്ഞെടുപ്പിന്റെ നാലാംഘട്ട വോട്ടെടുപ്പ് പുരോഗമിക്കുന്നതിനിടെയാണ് പ്രധാനമന്ത്രിയുടെ ഗുരുദ്വാരയിലെ സന്ദര്‍ശനം. ബിഹാറിലെ അഞ്ച് മണ്ഡലങ്ങൡും ഇ്ന്ന് വോ്‌ട്ടെടുപ്പ് നടക്കുന്നുണ്ട്്.

ബിഹാറില്‍ അടുത്ത ഘട്ടങ്ങളില്‍ വോട്ടെടുപ്പ് നടക്കാനിരിക്കുന്ന മണ്ഡലങ്ങളിലെ തിരഞ്ഞെടുപ്പ് റാലികളില്‍ മോദി തിങ്കളാഴ്ച പങ്കെടുക്കുന്നുണ്ട്. പട്നയില്‍ ഞായറാഴ്ച രാത്രി മോദിയുടെ തിരഞ്ഞെടുപ്പ് റാലി നടന്നിരുന്നു. ബിഹാര്‍ മുഖ്യമന്ത്രി നിതീഷ് കുമാറിനൊപ്പമായിരുന്നു പ്രധാന മന്ത്രിയുടെ റോഡ് ഷോ.

Content Highlights: PM Narendra Modi Volunteers for Seva at Patna Sahib Gurudwara in Bihar amid 4th poll elections