എഫ്.എം.ജി.ഇ ഒക്ടോബർ 2026 പരീക്ഷ: രജിസ്ട്രേഷൻ ആരംഭിച്ചു; പരീക്ഷ ഒക്ടോബർ 31-ന്

വിദേശത്തുനിന്ന് മെഡിക്കൽ ബിരുദം നേടിയവർക്കുള്ള ഫോറിൻ മെഡിക്കൽ ഗ്രാജ്വേറ്റ് പരീക്ഷയുടെ (എഫ്.എം.ജി.ഇ.) ഒക്ടോബർ 2026 സെഷനിലേക്കുള്ള ഓൺലൈൻ രജിസ്ട്രേഷൻ സെപ്റ്റംബർ 11-ന് വൈകുന്നേരം അഞ്ച് മണി മുതൽ ആരംഭിച്ചു. നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസസ് ആണ് അപേക്ഷകൾ ക്ഷണിച്ചിരിക്കുന്നത്. യോഗ്യരായ ഉദ്യോഗാർത്ഥികൾക്ക് ഔദ്യോഗിക വെബ്‌സൈറ്റ് വഴി അപേക്ഷിക്കാം.

പ്രധാന തീയതികൾ:

• അപേക്ഷ ആരംഭിക്കുന്നത്: സെപ്റ്റംബർ 11, 2026 (വൈകുന്നേരം 5 മണി മുതൽ)

• അപേക്ഷിക്കാനുള്ള അവസാന തീയതി: സെപ്റ്റംബർ 25, 2026 (രാത്രി 11:55 വരെ)

• പരീക്ഷാ തീയതി: ഒക്ടോബർ 31, 2026

• ഫലപ്രഖ്യാപനം: നവംബർ 30, 2026-ഓടെ

കമ്പ്യൂട്ടർ അധിഷ്ഠിത രീതിയിലാണ് ഒക്ടോബർ 31-ന് രാജ്യത്തെ വിവിധ കേന്ദ്രങ്ങളിൽ പരീക്ഷ നടക്കുന്നത്. അപേക്ഷ സമർപ്പിക്കുന്നതിന് മുൻപ് വിവരവിജ്ഞാപനം ശ്രദ്ധാപൂർവ്വം വായിക്കണമെന്ന് എൻ.ബി.ഇ.എം.എസ് അറിയിച്ചിട്ടുണ്ട്. നിശ്ചിത സമയപരിധിക്ക് ശേഷം ലഭിക്കുന്ന അപേക്ഷകൾ  പരിഗണിക്കുന്നതല്ല.

അപേക്ഷിക്കേണ്ട വിധം:

1. natboard.edu.in എന്ന ഔദ്യോഗിക വെബ്‌സൈറ്റ് സന്ദർശിക്കുക.

2. ഹോംപേജിലുള്ള FMGE October 2026 Registration ലിങ്കിൽ ക്ലിക്ക് ചെയ്യുക.

3. രജിസ്റ്റർ ചെയ്ത ശേഷം വ്യക്തിഗത വിവരങ്ങൾ ഉപയോഗിച്ച് ലോഗിൻ ചെയ്യുക.

4. അപേക്ഷാ ഫോം പൂർണ്ണമായി പൂരിപ്പിക്കുക.

5. ആവശ്യമായ അപേക്ഷാ ഫീസ് അടയ്ക്കുക.

6. നൽകിയ വിവരങ്ങൾ ശരിയാണെന്ന് ഉറപ്പുവരുത്തിയ ശേഷം ഫോം സമർപ്പിക്കുക (Submit).