ഭാര്യ ഭക്ഷണം മലിനമാക്കി നല്കിയെന്ന് പരാതി, അന്വേഷണത്തിന് മെഡിക്കല് ബോര്ഡ്
ഗാസിയാബാദ്: ഭാര്യ ഭക്ഷണം മലിനമാക്കി നല്കിയെന്ന പരാതിയില് അന്വേഷണത്തിനായി നാലംഗ മെഡിക്കല് ബോര്ഡ് രൂപവത്കരിച്ചു. ഒരുവര്ഷം മുമ്പ് രജിസ്റ്റര് ചെയ്ത എഫ്.ഐ.ആറിലാണ് പോലീസിന്റെ ആവശ്യപ്രകാരം മെഡിക്കല് ബോര്ഡ് രൂപവത്കരിച്ചത്. ജനറല് ഫിസിഷ്യന്, ഗൈനക്കോളജിസ്റ്റ്, പാത്തോളജിസ്റ്റ്, ഓര്ത്തോപീഡിക്ക് സര്ജന് എന്നിവരാണ് മെഡിക്കല് ബോര്ഡിലുള്ളത്. പരാതിക്കാരന് ഹാജരാക്കിയ വിവിധ മെഡിക്കല് റിപ്പോര്ട്ടുകള് ബോര്ഡ് പരിശോധിക്കും.
കഴിഞ്ഞ വര്ഷം ജൂണ് 12-ാം തീയതിയാണ് ഭാര്യയും അവരുടെ മാതാപിതാക്കളും ഭക്ഷണത്തില് ആര്ത്തവരക്തം കലര്ത്തിയെന്ന പരാതിയുമായി ഗാസിയാബാദ് സ്വദേശി പോലീസിനെ സമീപിച്ചത്. ഈ ഭക്ഷണം കഴിച്ചതോടെ തനിക്ക് അണുബാധയുണ്ടായെന്നും പരാതിക്കാരന് ആരോപിച്ചിരുന്നു. ഇതിന് തെളിവായി ചില മെഡിക്കല് റിപ്പോര്ട്ടുകളും സമര്പ്പിച്ചു.
ഇയാളുടെ പരാതിയില് കാവി നഗര് പോലീസാണ് എഫ്.ഐ.ആര്. രജിസ്റ്റര് ചെയ്തത്. ക്രിമിനല് ഗൂഢാലോചന, വിഷവസ്തുക്കള് ഉപയോഗിച്ചുള്ള ആക്രമണം തുടങ്ങിയ വകുപ്പുകള് പ്രകാരമാണ് കേസെടുത്തിരുന്നത്.
2015-ലാണ് പരാതിക്കാരന് വിവാഹിതനായത്. ദമ്പതിമാര്ക്ക് ഒരു മകനുണ്ട്. ഭര്ത്താവിന്റെ മാതാപിതാക്കള്ക്കൊപ്പമായിരുന്നു കുടുംബത്തിന്റെ താമസം. എന്നാല് ഇവിടെനിന്ന് മാറിതാമസിക്കാന് ഭാര്യ നിരന്തരം ആവശ്യപ്പെട്ടിരുന്നു. ഇതിന് വിസമ്മതിച്ചതോടെ നിസ്സാരകാര്യങ്ങള്ക്ക് പോലും വഴക്കുണ്ടാക്കുന്നത് പതിവായിരുന്നുവെന്നും പരാതിക്കാരന് പറയുന്നു.
വഴക്ക് പതിവായതോടെ തന്റെ മാതാപിതാക്കള് വീട്ടില്നിന്ന് താമസം മാറി. ഇതിനുപിന്നാലെയാണ് രാത്രി കഴിക്കാന് നല്കിയ ഭക്ഷണം നൽകിയത്. ഭാര്യയും അവരുടെ മാതാവും തമ്മില് ഇക്കാര്യത്തെക്കുറിച്ച് സംസാരിക്കുന്ന ഫോണ്കോള് താന് റെക്കോഡ് ചെയ്തിട്ടുണ്ടെന്നും പരാതിക്കാരന് അവകാശപ്പെട്ടിരുന്നു. ഭാര്യയുടെ മാതാപിതാക്കളും സഹോദരനുമാണ് ഭക്ഷണത്തില് രക്തം കലര്ത്തിയതിന് പിന്നിലെന്നും തനിക്കെതിരേ ദുര്മന്ത്രവാദം നടത്താന് ഇവരാണ് ഭാര്യയെ പ്രേരിപ്പിക്കുന്നതെന്നും പരാതിയിലുണ്ട്.
Content Highlights: man alleges his wife mixed menstrual blood in food medical board formed to investigation
Content Highlights: