സ്യൂട്ട്‌കേസില്‍ യുവതിയുടെ മൃതദേഹം, കൊലപ്പെടുത്തിയത് കഴുത്തുഞെരിച്ച്, പീഡന സാധ്യത തള്ളാതെ പോലീസ്

ഗുരുഗ്രാം (ഹരിയാണ): ഉപേക്ഷിക്കപ്പെട്ട നിലയില്‍ കണ്ടെത്തിയ സ്യൂട്ട്‌കേസിനുള്ളില്‍ നിന്ന് യുവതിയുടെ മൃതദേഹം കണ്ടെത്തി. യുവതിയെ കഴുത്തുഞെരിച്ച് കൊലപ്പെടുത്തിയ ശേഷം പെട്ടിക്കുള്ളിലാക്കി ഉപേക്ഷിച്ചതാണെന്ന് പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചതിന് പിന്നാലെ പോലീസ് അറിയിച്ചു. ഹരിയാണയിലെ ഗുരുഗ്രാമില്‍ തിങ്കളാഴ്ചയാണ് 20-25 വയസ് തോന്നിക്കുന്ന യുവതിയുടെ നഗ്നശരീരം കണ്ടെടുത്തത്. 

യുവതി പീഡിപ്പിക്കപ്പെട്ടിരിക്കാനുള്ള സാധ്യത തള്ളിക്കളയാനാകില്ലെന്നാണ് പോസ്റ്റ്‌മോര്‍ട്ടം നടത്തിയ ഡോക്ടര്‍ പറയുന്നത്. ശരീരത്തില്‍ പൊള്ളലേറ്റതിന് സമാനമായ പാടുകള്‍ ഉണ്ടായിരുന്നുവെന്നും ഡോക്ടര്‍ വ്യക്തമാക്കി. ജനനേന്ദ്രിയത്തിലും മുറിവുകളുണ്ടായിരുന്നു.

റോഡിനരികിലെ കുറ്റിക്കാട്ടില്‍ വൈകുന്നേരം നാലുമണിയോടെ സംശയാസ്പദപരമായ സാഹചര്യത്തില്‍ സ്യൂട്ട്‌കേസ് കിടക്കുന്നതുകണ്ട ഓട്ടോറിക്ഷ ഡ്രൈവറാണ് പോലീസിനെ വിവരമറിയിച്ചത്.  
മരിച്ച യുവതി ആരാണെന്ന് ഇതുവരെ തിരിച്ചറിയാനായിട്ടില്ല. സംഭവം നടന്ന പ്രദേശത്തെ സി.സി.ടി.വി ദൃശ്യങ്ങള്‍ പോലീസ് പരിശോധിച്ച് വരികയാണ്.
 

Content Highlights: Woman Found Dead In Abandoned Suitcase In Gurgaon