നാട്ടില്‍വന്ന് മടങ്ങിയത് മൂന്നുദിവസം മുന്‍പ്; ഛത്തീസ്ഗഢില്‍ മലയാളി ജവാന്‍ സ്വയം വെടിവെച്ച് മരിച്ചു

അയിലൂര്‍(പാലക്കാട്): ഛത്തീസ്ഗഢിലെ ബിജാപൂരില്‍ പാലക്കാട് അയിലൂര്‍ സ്വദേശിയായ സി.ആര്‍.പി.എഫ്. (സെന്‍ട്രല്‍ റിസര്‍വ് പോലീസ് ഫോഴ്സ്) ജവാന്‍ സ്വയം വെടിവെച്ച് മരിച്ചതായി ബന്ധുക്കള്‍ക്ക് വിവരം ലഭിച്ചു. അയിലൂര്‍ തിരുവഴിയാട് ഇടപ്പാടം വീട്ടില്‍ മണികണ്ഠന്റെ മകന്‍ വിനുവാണ് (37) മരിച്ചത്. 

ചൊവ്വാഴ്ച രാവിലെയാണ് സംഭവം. മാവോവാദിസാന്നിധ്യമുള്ള ബിജാപൂര്‍ ജില്ലയിലെ 85-ാം ബറ്റാലിയനില്‍ അംഗമാണ് വിനു. മൂന്നുദിവസം മുന്‍പാണ് നാട്ടില്‍ വന്ന് മടങ്ങിയത്. 

ജോലിക്ക് ഹാജരാകുന്നതിനുമുന്‍പ് ബാരക്കിനുള്ളില്‍ കയറിയ വിനു തോക്ക് ഉപയോഗിച്ച് സ്വയം വെടിവെയ്ക്കുകയായിരുന്നുവെന്നാണ് ബന്ധുക്കളെ അറിയിച്ചത്. സംഭവത്തില്‍ അന്വേഷണം ആരംഭിച്ചു. 

അമ്മ: വത്സല. ഭാര്യ: റോഷ്ന. മക്കള്‍: ദിയ, യദു. സഹോദരി: മിനിമോള്‍.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ'  ഹെല്‍പ് ലൈനില്‍ വിളിക്കുക.  Toll free helpline number: 1056, 0471-2552056)

Content Highlights: malayali crpf jawan kills him self in chattisgarh