ചോദിച്ച പണം അച്ഛൻ നൽകിയില്ല; വീടിന് തീയിട്ട് യുവാവ്, ലഹരിക്കടിമയായ മകനെ പേടിച്ച് മാതാപിതാക്കൾ

കണ്ണൂർ: പണം നൽകാത്തതിന് സ്വന്തം വീടിന് തീയിട്ട് ലഹരിക്ക് അടിമയായ യുവാവ്. സംഭവത്തിൽ ആയിക്കര സ്വദേശി അഭിഷേകിനെ പോലീസ് അറസ്റ്റുചെയ്തു. ചൊവ്വാഴ്ച പുലർച്ചെ മൂന്നരയോടെയാണ് വീട്ടിൽനിന്ന് തീയും പുകയും ഉയരുന്നത് അയൽവാസികൾ കണ്ടത്.

വിവരമറിയിച്ചതനുസരിച്ച്, പോലീസും അഗ്‌നിരക്ഷാസേനയും എത്തി തീയണയ്ക്കുകയായിരുന്നു. കട്ടിലും കിടക്കയും വസ്ത്രങ്ങളും ഉൾപ്പെടെ വീട്ടിനുള്ളിലെ ഒട്ടേറെ വസ്തുക്കൾ പൂർണമായി കത്തിനശിച്ചു.

അഭിഷേക് ആവശ്യപ്പെട്ട പണം പിതാവ് നൽകാത്തതിനെ തുടർന്നുണ്ടായ പ്രകോപനമാണ് സംഭവത്തിലേക്ക് നയിച്ചത് എന്നാണ് വിവരം. അഭിഷേകിന്റെ നിരന്തരമായ ഭീഷണി കാരണം രക്ഷിതാക്കൾ ഈ വീട്ടിൽനിന്ന് മാറിതാമസിക്കുകയായിരുന്നു.

Content Highlights: An Ayyikkara native named Abhishek was arrested for arson. The suspect set his own house on fire following a dispute over money. Parents had already moved out due to the suspect's constant threats. Local residents alerted authorities, and the fire was extinguished by the fire force.